မြန်မာဗန်းစကားကွက်လပ်

လမ်းပေါ်မှာသွားရင်းလာရင်း ဘေးနားက လူငယ်လေးနှစ်ယောက်စကားပြောသံကို
အနီးကပ်မို့ရှင်းရှင်းကြီးကြားလိုက်ရတယ်။ဘာတဲ့..........တစ်ယောက်က-
"ဟေ့ကောင် ဒါပြီးရင် ဝီသွားတွတ်ရအောင်ကွာ"
"ဟာ...ငါတော့အပျော့လေးပဲဆွဲချင်တယ်ကွာ"တဲ့။
မွေးကတည်းက မြန်မာစကားပြောလာတဲ့ မြန်မာမစစ်စစ်ဖြစ်တဲ့ စာရေးသူ သူတို့နှစ်ယောက်
ပြောတာကို နားမလည်ဘူး။ ဘာပြောကြမှန်း မသိ။ ဒါပေမယ့် သူတို့ပြောတဲ့စကားကလည်း
မြန်မာစကားပဲလေ။ ဘာကြောင့် နားမလည်တာပါလိမ့်။သိပြီ။ ဒါ ဗန်းစကားတွေပဲဖြစ်ရမယ်။
မြန်မာစာနဲ့ ကျောင်းပြီးထားတဲ့အခံလေးရှိတော့ ဒီလောက်တော့ သိတာပေါ့။ ဒါပေမယ့်
အဓိပ္ပါယ်ကျတော့မသိဘူး။ဘာကိုဆိုလိုတာလဲ။ လတ်တလောခေတ်စားနေဟန်တူတဲ့
လူငယ်လောကသုံး ဗန်းစကားတွေဖြစ်မှာ။ နောက်တစ်ခါ သွားရင်းလာရင်း ကြားရပြန်ရော။
ဘာတဲ့.......
"ဒီကောင် အေကိုက်ခံရတာဖြစ်မယ်။ ရုပ်ကအေရုပ်ပေါက်နေတယ်ကွ"တဲ့။
"အဲဒီအဖွဲ့က ကျွတ်ကျွတ်အိတ်တွေက၊ သွားမထိနဲ့"တဲ့။
လာပြန်ပြီ ဘာတွေပြောမှန်းမသိပြန်ဘူး။
ဟုတ်ပါတယ်။ ဒါလေးတွေကိုသာ တခုတ်တရမလေ့လာခဲ့ဘဲနေခဲ့ကြရင်လောလောဆယ်
ဘာတွေပြောကြမှန်း နားလည်နိုင်မှာမဟုတ်သလို၊နောင်တစ်ချိန်အတွက်လည်းမတော်တဆ
ဒီစကားလုံးလေးတွေဟာစာထဲရောက်သွားပြီး ဒီစာတွေကို လေ့လာကြ၊ဖတ်ကြရင်မှတ်တမ်း
မရှိတဲ့အတွက် အနက်ဖော်ဖို့ ခက်ခဲသွားမှာပါ။ဘာသာစကားတစ်ခုရဲ့ သဘောကိုက အမြဲ
ရွေ့လျားပြောင်းလဲတတ်တဲ့သဘောရှိပြီးသား။အခုလို ဗန်းစကားတွေရဲ့ သဘောသဘာဝ
တွေဆိုရင် ပိုပြီးပြောင်းလဲတတ်တိမ်မြုပ်တတ်၊အသစ်ပေါ်လာတတ်တဲ့ သဘာဝရှိတယ်လို့
ဘာသာစကားသီအိုရီတွေကဆိုပြီးသားပါ။ ဒါတွေကိုရိပ်စားမိတဲ့ ဘာသာစကားပညာရှင်
တစ်ချို့ကတော့ ဗန်းစကားဝေါဟာရတွေကိုလေ့လာ၊ စုဆောင်းပြီးပြုစုအနက်ဖွင့်ခဲ့ကြလို့
အဘိဓာန်အထိဖြစ်လာတာကိုလည်း တွေ့ရပါတယ်။
Robert L. Chapman ရဲ့ "American Slang" တို့လို၊ William Freman ရဲ့ "A Concise Dictionaryof English Slang" တို့လို အဘိဓာန်မျိုးတွေပေါ့။ အဲဒီအဘိဓာန်တွေထဲမှာ
ဆိုရင် ဗန်းစကားနဲ့ပတ်သက်ပြီး ရှေးတုန်းကသုံးခဲ့တဲ့ ဗန်းစကားတွေကနေ အဘိဓာန်ပြုစု
နေတဲ့အချိန်အထိဗန်းစကားအသုံးတွေကို အစုံလင်ဆုံးဖြစ်အောင် ကြိုးပမ်းပြုစုခဲ့ကြကြောင်း
အဘိဓာန်ပြုစုသူတွေက သူတို့ရဲ့အမှာစာတွေမှာ ရေးသားမှတ်တမ်းတင်ခဲ့ကြပါတယ်။
မြန်မာမှာလည်း ခေတ်အဆက်ဆက် ဗန်းစကားတွေ ဖောဖောသီသီရှိခဲ့သလို ဗန်းစကားနဲ့
ဆိုင်တဲ့အကြောင်းအရာတွေကိုဆရာလှသမိန်ကလေ့လာဖော်ထုတ်ရေးသားခဲ့ဖူးပါတယ်။
"မြန်မာစာအမြုတေ ဆိုတဲ့စာအုပ်လေးမှာပါ။
ဒါပေမယ့် အဲဒီအထဲမှာတော့ ဇာတ်ပွဲသုံးဗန်းစကားတွေကိုပဲစုစုပေါင်းစကားလုံး(၂၃)လုံး
လောက်နဲ့စုဆောင်းဖော်ပြထားတာတွေ့ရပါတယ်။နောက်ဆရာလှသမိန်ပဲရေးခဲ့တဲ့"မြန်မာ
စာပေအဆီအနှစ်"ဆိုတဲ့စာအုပ်ထဲမှာတော့ "စကားဝှက်ဗန်းစကား၊ အဆွယ်ဗန်းစကား၊
စကားပုံဗန်းစကား၊နောက်ပြောင်သုံးဗန်းစကား၊အရွှန်းဗန်းစကား၊ တင်စားဗန်းစကား"ဆိုပြီး
အမျိုးအစားခြောက်မျိုးခွဲပြီးတင်ပြလာတာတွေ့ရပါတယ်။ ဒါပေမယ့် အဘိဓာန်သဘောမျိုး
မဟုတ်ဘဲ ဗန်းစကားရဲ့သဘောသဘာဝလောက်ကိုသာ ရှင်းပြပြီး တစ်မျိုးစီကိုသာဓကသုံး
လေးခုလောက်ပဲထုတ်ပြထားတာကိုတွေ့ရပါတယ်။
နောက်ထပ်ဗန်းစကားအကြောင်းနဲ့ပတ်သက်တဲ့ စာအုပ်ကတော့ ဆရာဦးအေးချို(မဟာ
ဝိဇ္ဇာ)ရဲ့"မြန်မာ့စကား"ဆိုတဲ့ စာအုပ်လေးပါ။ဒီစာအုပ်မှာလည်း ဗန်းစကားဆိုတာရဲ့ သဘော
နဲ့မြန်မာဗန်းစကားစတင်ပေါ်ပေါက်လာရပုံကို ယေဘုယျသဘောလောက်ပဲပြောပြထားပါ
တယ်။စကားလုံးနဲ့ အနက်ဖွင့်ကိုတော့ မတွေ့ခဲ့ရပါဘူး။
ဗန်းစကားနဲ့ပတ်သက်ပြီး စကားလုံးတွေကို အနက်ဖွင့်နဲ့တကွ နမူနာသုံးကိုပါဖော်ပြထား
တဲ့ စာအုပ်ကောင်းလေးတစ်အုပ်တော့ရှိပါတယ်။ အဲဒါကတော့ သီချင်းရေးဆရာ၊ အဆို
တော်မင်းမင်းလတ်ပြုစုခဲ့တဲ့ "လမ်းပေါ်ကဝေါဟာရများ" ဆိုတဲ့စာအုပ်လေးပါ။"မယ်သီ
တာခိုးတာဘယ်သူလဲ""အပေါ်ထပ်နဲ့အောက်ထပ်ဇာတ်လမ်း" စတဲ့ သီချင်းတွေရဲ့ဖန်တီး
ရှင် မင်းမင်းလတ်ဟာ ဒီစာအုပ်လေးနဲ့စာပေ၊ ဘာသာစကားတာဝန်တစ်ရပ် ကျေပွန်ခဲ့
တယ်လို့ ဆိုရမှာပါ။
အဲဒီခေတ်ကသုံးနေတဲ့ မြန်မာဗန်းစကားလေးတွေကို လူငယ်တွေကြားလက်တွေ့သွားပြီးသူ တတ်နိုင်သလောကပြုစုတင်ပြသွားခဲ့တာကိုကျေးဇူးတင်ဖွယ်တွေ့ရှိရပါတယ်။ ၁၉၇၂ခု၊ဇွန်လ
တစ်ရက်နေ့စွဲနဲ့ သူကိုယ်တိုင်ရေးခဲ့တဲ့အမှာစာလေးမှာ -
"ရက်ပေါင်း ၄၀ကျော်မှာရန်ကုန်မြို့ရပ်ကွက်ပေါင်းစုံကလမ်းမပေါင်းစုံလမ်းကြားပေါင်းစုံ
ဆိုင်ပေါင်းစုံကို နင်းခဲ့ထိုင်ခဲ့ပါတယ်။ အားလုံးစုံတော့သပ်သပ်ရပ်ရပ်ရေးပြီးလူအရွယ်အမျိုးမျိုး
ကိုပြပါတယ်။ သူတို့လျှာသံကိုကြားချင်လို့ပါပဲ။လူတိုင်းဝမ်းသာခြင်း၊အံ့အားသင့်ခြင်းနဲ့
ကျေးဇူုးတင်ကြောင်းကို အားရအောင်ကျွန်တော်ကြားရ၍ ဒီစာအုပ်ဖြစ်အောင်ထုတ်ခဲ့ပါတယ် "
လို့ ဖော်ပြထားထားတာလေးက သူ့စေတနာကို အထင်းသားပေါ်လွင်စေပါတယ်။ အဲဒီစာအုပ်
လေးမှာမြန်မာအက္ခရာ 'က'ကနေ 'အ' အထိ ဖြည့်စွက်ခြင်းဆိုတဲ့ ကဏ္ဍလေးအပါအဝင်
တည်ပုဒ်ပေါင်း ၅၉၈လုံးအသုံးပြုနမူနာဝါကျပေါင်း ငါးရာကျော်၊စာမျက်နှာပေါင်း ၉၆မျက်နှာ
နဲ့တကွတင်ပြထားတာကိုတွေ့ရပါတယ်။ အဘိဓာန်ရဲ့ပုံစံတစ်ခုဖြစ်တဲ့ သဒ္ဒါအမျိုးအစား
(Part of Speech) တော့မပါဝင်ပါဘူး။အမှာစာအဆုံးက ရက်စွဲလေးအရလွန်ခဲ့တဲ့နှစ်ပေါင်း
သုံးဆယ်ကျော်က စုဆောင်းခဲ့တာဖြစ်လို့ အခုချိန်မှာတော့ ဒီစာအုပ်လေးဟာ ဘာသာစကား
အတွက်တန်ဖိုးရှိရုံတင်မကတော့ဘူး။ သမိုင်းအတွက်ပါတန်ဖိုးရှိနေပြီလို့ဆိုရမှာပါ။
"ကျော်စိန်ကမယ်" "ကျလောင်" "ကိုသိန်းကြည်""ခင်သန်းနု""ခွေးထမင်းကျွေး""ချိုချိုအောင်"
"ဂဏန်းဖိုက်တာ" စတာတွေဟာ အခုခေတ်အတွက်တော့အသစ်အဆန်းတွေချည်းဖြစ်နေ
ရပါတယ်။ ဒီနေ့အထိ မြန်မာဗန်းစကားတွေကို တည်ပုဒ်ပေါင်းငါးရာကျော်နဲ့ စုဆောင်း
ခဲ့တာဆိုလို့ ဒီစာအုပ်တစ်အုပ်ပဲတွေ့ဖူးပါသေးတယ်။
အဘိဓာန်ပုံစံတကျနဲ့ အနက်ဖွင့်တင်ပြခဲ့တဲ့ မြန်မာဗန်းစကားတချို့ကိုတော့ သာသနာပြု
ဆရာယုဒသန်ရဲ့မြန်မာ-အင်္ဂလိပ်အဘိဓာန် (၁၈၅၂မူ) ထဲမှာတွေ့ရှိရပါတယ်။
အောင်းဖော် အောင်းဖက် n. one born of the same mother (1852,pg-106)
ဂျွံ adv. all together,good and bad without dictinction
သောင်းပြောင်း, - chiefly applied to grain and to bettle nuts (1852, pg-237)
ပိတ်တောစ v. to die,come to an end,be destroyed, -colloquel
among children, and the article (1852, pg-433)
စတဲ့ စကားလုံးတွေကို သဒ္ဒါအသုံးလေးနဲ့တကွ အနက်ဖွင့်ဆိုဖော်ပြခဲ့ပါတယ်။
ဒီအဘိဓာန်ကြောင့်လည်းကုန်းဘောင်ခေတ်နှောင်းပိုင်း ၁၉ရာစုက မြန်မာဗန်းစကား
လေးတွေရဲ့ အနက်အဓိပ္ပါယ်ကို သိရတာပေါ့။
ဗန်းစကားလေးတွေဟာ အရင်တုန်းကတော့ အဆင့်အတန်းမရှိတဲ့စကားတွေ၊ ရိုင်း
စိုင်းတဲ့စကားတွေဆိုပြီးလူရာအသွင်းမခံခဲ့ကြပါဘူး။ ဒီစကားလုံးလေးတွေကို စု
ဆောင်းပြုစုခဲ့ဖူးတဲ့ မင်းမင်းလတ်ကိုယ်တိုင်ကိုက
"စာအုပ်အတွက် ဝေါဟာရလိုက်စုစဉ် စကားလုံးအတော်များများဟာ ကိလေသာဘက်ကို
စောင်းနေတာတွေ့တော့ ကျွန်တော်ခေါင်းကိုက်စိတ်ညစ်ခဲ့ရပါတယ်"တဲ့။
နောက်ပြီးတော့
"အဆုံးမသတ်ခင်ရေးချင်တာကတော့ ဒီဝေါဟာရတွေကို ကျွန်တော်မကြိုက်ပါ ကျွန်တော်
မသုံးပါ တဲ့လေ။
ဒီလေသံတွေအရ သူလည်းအထင်မကြီးပေမယ့် လိုအပ်လို့ပြုစုခဲ့ရတာ ထင်ရှားပါတယ်။
ဒါပေမယ့်ဘာပဲပြောပြော ဗန်းစကားလေးတွေဟာလည်း လူတွေနေ့စဉ်ပြောဆိုနေတဲ့
စကားပင်လယ်ကြီးထဲက စကားလေးတစ်ခွန်းပါပဲ။
ဒီစကားလုံးလေးတွေကို စကားလုံးအဖြစ်ပဲ သဘောထားပြီး သူ့ခေတ်အလိုက် ရွေ့လျား
နေတာလေးတွေအသစ်ဖြစ်ပေါ် နေတာလေးတွေကို စနစ်တကျစုဆောင်းလေ့လာပြီး
အဘိဓာန်လေးတစ်ခုဖြစ်လာတဲ့အထိ ပြုစုကြရင်မြန်မာဘာသာစကားရဲ့တစ်စိတ်တစ်ပိုင်း
လေးကို ထိန်းသိမ်းမှတ်တမ်းတင်ရာရောက်ပါတယ်။
"လမ်းပေါ်ကဝေါဟာရများ"နောက်ပိုင်း ဒီစာအုပ်လောက် အရေအတွက်များတဲ့ ဗန်းစကား
အနက်ဖွင့်လေးတွေကို ဒီနေ့အထိမတွေ့မိသေးလို့မြန်မာဗန်းစကားလေးတွေဟာကွက်
လပ်ကလေးဖြစ်နေဆဲပါ။


ဖြူဖြူဝင်း(မြန်မာစာ)