ဘဝတစ်စ


အကော်ဒီယံ တယော နဲ့ စန္ဒယားတီးသံလေးတွေ ရောတီးထားတဲ့ တီးလုံးသံလေးတွေနဲ့အတူ..... ကျွန်မ သိပ်နှစ်သက်တဲ့ Steven Tyler ရဲ့ သီချင်းသံလေးကိုကြားရလို့ အနားမှာရှိတဲ့ ဖုန်းမျက်နှာပြင်ပေါ်ကိုကြည့်လိုက်မိတော့... ထင်တဲ့အတိုင်း မာရီယာ့ဆီက ဆက်တာပါ။ ဒီနေ့ သူ့စာသင်ချိန် ရှိပေတာကိုး။ ထုံးစံအတိုင်း သူ ဒီနေ့ မန္တလေးသွားမှာမို့ ပြင်ရဆင်ရဦးမှာကြောင့် မလာနိုင်တော့တဲ့အကြောင်း လှမ်းပြောတာပါ။ စာသင်ချိန်မတိုင်မီ တစ်နာရီအလို ကြိုဆက်တော့ တော်သေးတာပေါ့။ တခြားလုပ်ချင်တာရှိတာ သွားချင်တာရှိတာ လုပ်လို့သွားလို့ ရသွားတယ်လေ။ မဟုတ်ရင် သူလာနိုးလာနိုး စောင့်နေရင်း လုပ်စရာရှိတာမလုပ်လိုက်ရဘဲ အချိန်ကုန်သွားတာတွေက များလှပေါ့။  
...................

ကျွန်မဇာတိမဟုတ်တဲ့ ရန်ကုန်ကိုရောက်နေတာ အခုနဲ့ပါဆို ရှစ်လလောက်ရှိပါပြီ။ မြန်မာဘာသာစကားကို သင်ယူချင်တဲ့ နိုင်ငံခြားသားတွေအတွက် ဗမာဘာသာစကားသင်တန်းလေးတစ်ခု ဖွင့်ဖို့ ရည်ရွယ်ချက်နဲ့ပေါ့။ ရောက်စကတော့ အင်္ဂလိပ်စကားပြော သင်တန်းလေးနဲ့ ဒီအနီးတ၀ိုက်မှာရှိတဲ့ မြန်မာတချို့ကို သင်ကြားပေးရင်း စခဲ့ရပါတယ်။ ကျွန်မ ဒီရောက်နေတာကို သိပ်မသိကြသေးတာရော အသစ်ဖြစ်နေတာရောကြောင့် ကျွန်မ အထူးပြုသင်ကြားပေးချင်နေတဲ့ နိုင်ငံခြားသားတွေအတွက် မြန်မာစာ မြန်မာစကားကို သင်ပေးဖို့ အခွင့်အရေးက ချက်ချင်းကြီးဖြစ်မလာခဲ့ပါဘူး။ မန္တလေးမှာကတည်းက သင်လက်စ အဆက်အသွယ် ရှိလက်စ နိုင်ငံခြားသား တစ်ယောက်စ နှစ်ယောက်စလေးနဲ့ပဲ အစပြုခဲ့ရတာပေ့ါ။ ကိုယ့်စိတ်နဲ့ကိုယ် အရင်ထူထောင်လက်စ ကျောင်းတစ်ခုကိုပိတ်၊ ဒီကိုရောက်လာပြီး သင်တန်းလေးဖွင့်ခွင့်ရဖို့အတွက် ဒီကြားထဲ မိဘတွေကို အတော်ပြောဆို စည်းရုံးခဲ့ရပြန်တယ်။ သားသမီးတစ်ယောက်ကို အသက်လေးဆယ်နားနီးအထိ စိတ်မချ လက်မချ ဖြစ်နေတတ်တာကလည်း ကျွန်မတို့ မြန်မာ့လူအဖွဲ့အစည်းရဲ့ မိဘနဲ့သားသမီး စတိုင်တစ်ခုပေပဲလား မသိပါဘူး။

အခုလို အရွယ်ရောက်ရင်တော့ မိဘတွေဆီကနေ ခွဲထွက်မယ်ဆိုတဲ့ ကျွန်မရဲ့ နဂိုရည်ရွယ်ချက်အတိုင်း အခု ကျွန်မခွဲထွက်လာခဲ့ပြီ။ ရည်ရွယ်ချက်တွေ၊ မျှော်မှန်းချက်တွေ နောက်ပြီး တခြားစိန်ခေါ်မှုတွေကို ကိုယ့်ဟာကိုယ် အဖေအမေ အကူအညီမပါဘဲ ကြိုးစားကြည့်ဖို့ ဒီကို ကျွန်မ ရာက်လာခဲ့ပြီလေ။ ကျွန်မအရွယ်နဲ့ဆိုရင် ဒါက နောက်တောင်ကျနေပါသေးတယ်။ ကျွန်မရောက်လာတဲ့အချိန်ဟာ တိုက်တိုက်ဆိုင်ဆိုင် ဆိုသလိုပဲ မြန်မာနိုင်ငံမှာ အပြောင်းအလဲတွေ တစ်ခုပြီး တစ်ခု ပေါ်လာနေတဲ့အချိန်။ ကျွန်မ ဒီကိုထွက်မလာခင်လေးပဲ ကျွန်မတို့နိုင်ငံရဲ့ အသက်သွေးကြော ဧရာဝတီ မြစ်ဆုံစီမံကိန်းကြီးကို ၅နှစ်လောက် ရပ်နားထားမယ်ဆိုတဲ့ သမ္မတကြီးရဲ့ မိန့်ခွန်းကြောင့် နိုင်ငံသူနိုင်ငံသားတွေ ၀မ်းသာအားရဖြစ် နောက်ထပ်မျှော်လင့်ချက်တွေ ရှေ့ကိုတိုးရဲလာနေတဲ့အချိန်ပေါ့။ နောက်ပြီး ကျွန်မ ဒီကိုရောက်ပြီးနောက် ကျွန်မတို့ရဲ့ လူထုခေါင်းဆောင်ကို ဂျာနယ်တိုင်းမှာ မြင်တွေ့ခွင့်ရလာပြီး ပွင့်ပွင့်လင်းလင်း အားပေးထောက်ခံခွင့် တစတစနဲ့ ရလာနေတဲ့အချိန်လေ။ အများ မမျှော်လင့်တာတွေ တခုပြီးတခု ဖြစ်လာသလိုပဲ ဒီနိုင်ငံကို လေ့လာချင်လို့၊ စိတ်ဝင်စားလို့၊ ကြိုက်လို့ စီးပွားရေးလုပ်ချင်လို့ စတဲ့ အကြောင်းအရာတွေနဲ့အတူ နိုင်ငံပေါင်းစုံက နိုင်ငံခြားသားတွေလည်း အ၀င်အထွက်များလာခဲ့တာကို ဒီရက်ပိုင်းတွေကထုတ်တဲ့ အပတ်စဉ်ဂျာနယ်တွေမှာ ပါတဲ့သတင်းတွေကိုကြည့်တာနဲ့ သိသာတယ်လေ။ အဆင့်မီ ဟိုတယ်ကြီးတွေ၊ ဟိုတယ်အသေးစားလေးတွေ မလုံလောက်တဲ့ အကြောင်းတွေ အိမ်ခန်းတိုက်ခန်း ငှားခဈေးတက်သွားတဲ့အကြောင်းတွေ ရှိပြီးသား ဟိုတယ်ကြီးတွေက မူလကဈေးထက် ဈေးတက်သွားတဲ့ အကြောင်းတွေ ပါလာတာကိုး။ နောက်ပြီး ကျွန်မနေတဲ့ စမ်းချောင်းဝန်းကျင်မှာကိုပဲ လမ်းမှာ သွားရင်းလာရင်း နိုင်ငံခြားသားတွေ အတော်တွေ့လာရတယ်။ ကျွန်မဆီကိုလည်း နဂိုခင်ပြီးသား နိုင်ငံခြားမိတ်ဆွေတွေကတဆင့် မြန်မာစာသင်ချင်တဲ့သူတွေ ရလာတာပေါ့။ ဒီအလုပ်လုပ်ဖို့ ဒီအတွေ့အကြုံတွေ ရချင်လို့ လာတဲ့ ကျွန်မက ဘယ်မှာငြင်းလိမ့်မတုန်းနော်။ သူအဆင်ပြေတဲ့အချိန် ကိုယ်အဆင်ပြေတဲ့အချိန် ညှိပြီး သင်ပေးရတာပေါ့။ ပိုကျေနပ်မိတာက မန္တလေးမှာတုန်းက မသင်ပေးဖူးတဲ့ Beginner level သင်ကြားပေးခွင့် ရလာတာကိုပါပဲ။ ဒီမှာက အဲဒီ level ပိုတောင်များလာတယ်။ စိတ်ဝင်စားဖို့ကောင်းတာက လူမျိုးကလည်းအစုံ၊ စရိုက်ကလေးတွေကလည်းအစုံ၊ အရွယ်တွေကလည်း အစုံ၊ အလုပ်တွေကလည်းစုံလို့။ အလုပ်တစ်ဖက်နဲ့ သူတို့အားတဲ့အချိန်ကို ပြေးလာပြီး သင်ကြရှာတာလေ။ တချို့က အချိန်ပိုင်းအလုပ်၊ တချို့က အချိန်ပြည့်အလုပ်၊ တချို့က ကိုယ်ပိုင်စီးပွားရေးလုပ်ဖို့၊ တချို့ကတော့ ရရာအလုပ်လုပ်နေပြီး ရေမြေရာသီဥတုကို ကြိုက်လို့ကို နေနေတာ။ ဒါပေမယ့် ဘယ်သူပဲဖြစ်ဖြစ် အများစုက ဆယ်ပတ်ဗီဇာကိုသာ ရကြရှာတာ။ ၁၀ပတ်ပြည့်တာနဲ့ ဘန်ကောက်ကို တကူးတကပြန်သွား အဲဒီက မြန်မာသံရုံးမှာ သက်တမ်းထပ်တိုး။ ကျွန်မတောင် သူတို့ကိုကြည့်ပြီး ကိုယ့်နိုင်ငံအတွက် အမြင်တခု တွေ့လာတယ်။ အခုလို ဘန်ကောက်ပြန်ပြန်ပြီး လေယာဉ်စားရိတ်တွေ ဟိုမှားတည်းစားရိတ်တွေ ထိုင်းဘက်က ရနေမယ့်အစား မဟုတ်လည်း တိုးပေမယ့်အတူတူ ဒီမှာပဲလုပ်လို့ရတဲ့ စနစ်လေးပေါ်လာရင် သူရော ကိုယ်ရောအဆင်ပြေ နိုင်ငံလည်း ၀င်ငွေတိုးပေါ့။ နားတော့ မလည်ပါဘူး။ သူတို့ကြည့်ရတာ စိတ်ပင်ပန်းလွန်းလို့ပါ။ တချို့ကျတော့လည်း ၆လဗီဇာတဲ့ တစ်နှစ်ဗီဇာတဲ့ ရကြတယ်။ ဘယ်လိုကွာကြလဲတော့ မသိပါဘူး။
.............
ဘာသာစကားသင်တဲ့ ဆရာမတစ်ယောက်အနေနဲ့ သင်ရလွယ်တဲ့သူ၊ သင်ရနှေးတဲ့သူ၊ သင်ရခက်တဲ့သူ စတာတွေကိုလည်း မလွဲမသွေ ကြုံရတယ်။ အထူးသဖြင့် ငယ်တဲ့သူတွေကို သင်ပေးရတာဟာ တတ်လွယ်တယ်။ အတုယူမြန်တယ်။ နောက် မှတ်မိလွယ်ကြတယ်လေ။ အသက်နှစ်ဆယ်စွန်းကာစ ငယ်တဲ့အရွယ်လေးတွေကျတော့ အလုပ်အနေနဲ့က သိပ်ကောင်းကောင်း မရကြရှာပါဘူး။ ဒီမှာရှိတဲ့ Private International Schools တွေမှာ အင်္ဂလိပ်ဆရာ/ဆရာမအဖြစ် ရကြတာက များတယ်။ အလုပ်က၀င်ငွေ၊ သူတို့ ဇာတိမြေမှာ စုဆောင်းထားတာလေးတွေနဲ့ ရန်ကုန်မြို့မှာ နေစားရိတ် စားစားရိတ်ကအစ ကိုယ်တိုင်ရှာဖွေပြီး နေကြရတဲ့အထဲ ဒီကဘာသာစကားကိုလည်း တတ်ကိုတတ်ရမယ်ဆိုတဲ့ ဇွဲနဲ့ သင်ယူကြတာကို ကျွန်မကတော့ ချီးကျူးမိတယ်။ ကျွန်မက ကိုယ့်အလုပ်နဲ့ကိုယ် ရှိပေမယ့် ဒီကိုမပြောင်းလာခင်ကအထိ ဇာတိမှာ မိဘနဲ့အတူနေခဲ့တာ အခုဒီလာတာကို အဖေက စိတ်ဆိုးကျန်ရစ်တာ လို့များပြောပြရင် သူတို့မှာ ပါးစပ်လေးတွေဟသွားအောင် အံ့တွေသြလို့။ ဒီမှာကတော့ မဆန်းပေမယ့် သူတို့အတွက်ကတော့ အဆန်းဖြစ်နေတယ်ထင်ပါရဲ့။ ဒါပေမယ့် သူတို့ဆီမှာလည်း အိမ်ဈေး မြေဈေးတွေက အဆမတန်များလာတာမို့ မိဘအိမ်တွေကိုပဲ ကပ်နေရတာတွေ ရှိလာပြီး သူတို့ယဉ်ကျေးမှုအရ ဒါဟာ ရှက်စရာလို့ ယူဆကြတဲ့အတွက် ဇာတိမှာမနေဘဲ အခုလို နိုင်ငံတကာ လျှောက်လေ့လာ ရရာအလုပ်လုပ်ရင်း ဒီနိုင်ငံကိုကြိုက်သွားတာ ဆိုတဲ့ သူတွေကလည်း အများသား။ ဒါကိုလည်း ကျွန်မကတော့ သူတို့ကို ချီးကျူးမိတယ်။ ဘာလို့ဆို မီးမပျက်တဲ့တိုင်းပြည်ကြီးတွေကနေ လာကြပြီး ဒီမှာ တိုက်ခန်းအမြင့်ကြီးတွေပေါ် မှောင်မဲထဲ ရေပြတ်မီးပြတ်နဲ့ နေနိုင်တာကိုက လွယ်မှတ်လို့လေ။ ကျွန်မ သူတို့ကို စာသင်ပေးရတာ နှစ်သက်တဲ့အထဲမှာ အဲဒါတွေလည်း ပါတာပေါ့။ ဘ၀ပေါင်းစုံ အယူအဆ အဖြစ်အပျက်ပေါင်းစုံတွေကို သိရ မြင်ရ ဆင်ခြင်ရတာတွေလေ။
.................
ကျွန်မက G N' R တို့ Aerosmith တို့ကို ring tone အဖြစ် မရိုးရအောင် စိတ်ကူးတည့်ရာ လျှောက်ပြောင်းနေပေမယ့် သူတို့ကတော့ ဗိုလ်ချုပ်အောင်ဆန်းသီချင်း၊ မြနန္ဒာသီချင်း စတာတွေကို ring tone အဖြစ် လုပ်ထားတတ်ကြတာကလည်း တစ်ယောက်နဲ့တစ်ယောက် ရယ်စရာတစ်ခုပေါ့။ အတော်များများက အလုပ်တစ်ဖက်နဲ့ မအားကြတော့ တစ်ပတ်ကို နှစ်ရက် သုံးရက်ထက် ပိုမတက်နိုင်ကြပါဘူး။ တချို့ဆို တစ်ပတ်ကို တစ်ရက်ပဲ လာနိုင်ကြတယ်။ ဒါတောင် အစည်းအဝေးနောက်ကျလို့ အချိန်ပိုရှိလို့ ဆိုပြီး အီးမေးလ်နဲ့ ဖုန်း မက်ဆေ့ခ်ျနဲ့ ဒါမှမဟုတ် ဖုန်းဆက်ပြီး ခွင့်တိုင်ကြသေးတာ။ ဘယ်သူပဲဖြစ်ဖြစ်တော့ မလာဖြစ်ဘူးဆိုရင် အမြဲကြိုပြီး အသိပေးတတ်ကြတယ်။ ဒီတော့ ကျွန်မလည်း သူတို့မလာဖြစ်ရင် ကိုယ်လုပ်ချင်တာလေးတွေ သွားချင်တာလေးတွေကို လုပ်ခွင့်သွားခွင့် ရပေတာပေါ့။ သူတို့တွေက ကိုယ့်ဆီကို တကူးတကလာပြီး အချိန်ပေး သင်ကြရတာဆိုတော့ သူတို့မလာဘူးဆိုတာ သေချာမှ ကျွန်မကလည်း သွားစရာရှိတာ သွားလေ့ရှိပါတယ်။ အတတ်နိုင်ဆုံးတော့ သူတို့ကိုပေးထားတဲ့ အချိန်တွေ နှစ်ဖက်စလုံးအတွက် အလကားမဖြစ်ရအောင် တန်ဖိုးထား လုပ်ပေးရတာပေါ့။ ဒီအထဲတွေကမှ တစ်ရက်တော့ မာရီယာဆိုတဲ့ အမျိုးသမီးတစ်ယောက်က ကျွန်မနဲ့ မြန်မာစာသင်ချင်ကြောင်း အီးမေးလ်က တဆင့် ဆက်သွယ်လာတယ်။ အထူးသဖြင့် စာရေးစာဖတ်ထက် မြန်မာတွေနဲ့ ဒိုးတူဘောင်ဖက် စကားပြောတတ်ချင်ပါတယ်တဲ့။ ဆက်သွယ်မေးမြန်းပေး တာကလည်း အဆန်း။ သူကိုယ်တိုင်မဟုတ်ဘူး။ သူ့အမျိုးသား။ သူက အခုလောလောဆယ် ဟင်းချက်နေလို့ မအားလို့ ပါးစပ်က သူအော်ပြောနေတာတွေကို သူ့အမျိုးသားက လိုက်ရေးပေးပြီး မေးလ်ပို့လိုက်တာတဲ့။ [နောက် သူနဲ့တွေ့မှ ပြန်သိရတာလေ] ထုံးစံအတိုင်း ကျွန်မအားတဲ့အချိန် သူလာနိုင်မယ့်အချိန် ညှိကြရာက တစ်ပတ်ကို ညနေပိုင်း သုံးရက်သင်ဖို့ နှစ်ဦး နှစ်ဖက် အဆင်ပြေသွားကြတယ်။ စလာတဲ့နေက မလာမီ သူ့အမျိုးသားက ကျွန်မဆီ ဖုန်းကြိုဆက်တယ်။ မာရီယာ အခု ကျွန်မဆီ လာနေပြီပေါ့။ နောက် ၁၅မိနစ်လောက် ဆိုရင် ရောက်ပါမယ် ဆိုတဲ့အကြောင်း လှမ်းပြောတာပါ။ ဒီအထိ မာရီယာဆိုတာကို ဘယ်အရွယ်မှန်း ဘယ်ပုံမှန်း ဘာအသံမှန်း ကျွန်မ မသိရသေးဘူး။ ကျွန်မဆီမှာ တက်နေတဲ့သူ အတော်များများက ကိုယ်တိုင်ပဲလာ စုံစမ်းကြ ဆက်သွယ်ကြတာ များတယ်လေ။ သူကတော့ အဆန်း စကတည်းက သူ့အမျိုးသားကပဲ လှုပ်ရှားပေးနေတာ။
.............
သူလာလိုက်တာနဲ့ ကျွန်မတစ်ခန်းလုံး မွှေးသွားသလိုပဲ။ ရေမွှေးနံ့ရော၊ ကိုယ်သင်းနဲ့ရော၊ အရပ်ခြောက်ပေ လောက်ရှိတဲ့ သူက သုံးလက်မဒေါက်ဖိနပ်ချွန်ကြီး စီးလို့။ ကျွန်မ သူနဲ့ အပြန်အလှန်နှုတ်ဆက်ကြတော့ သူ့မျက်နှာကို အတော်မော့ကြည့်ရတယ်။ စကားပြောရင် မျက်နှာကိုကြည့်ပြောတတ်တဲ့သူဆိုတော့ ငြောင်းလိုက်တာ မပြောပါနဲ့။ ဖုန်းဆက်တော့သာ သူ့အမျိုးသားက ဆက်တာ။ အခုအပြင်ကို တကယ်လာတော့ ပါမလာဘူး။ သူတစ်ယောက်တည်း။ ဖော်တော့ ဖော်ရွေတယ်။ မျက်နှာက ချိုတယ်။ အသက် ခပ်ကြီးကြီးပေမယ့် ပြင်ဆင်ထားတာကတော့ အတော်လေး စမတ်ကျတယ်။ စကားပြောနေရင်း သူ့လက်ကိုင်အိတ်ကြီးကို ကျွန်မစားပွဲပေါ် လှမ်းအတင် နေကာမျက်မှန်ကြီးကို လှမ်းအထည့် ကတိုက်ကရိုက်ကြောင့် အထဲကဟာတွေ ထွက်ကျကုန်တော့ ဇစ်လော်ကာနဲ့ အိတ်အကြည်တစ်ခု အောက်ကို ထွက်ကျသွားတယ်။ ကျွန်မလည်း လှမ်းကောက်ပေးလိုက်တယ်။ သူက ကျွန်မကို ကျေးဇူးတင်စကားပြောရင်း ဒါက သူ့ရဲ့ရုံးမှာသုံးတဲ့ ဗြူတီအဆက်စရီတွေပါတဲ့ ရှင်းပြတယ်။ နည်းတာမဟုတ်ဘူးပဲ။ ခေါင်းဖီးအစ မျက်တောင်ကော့တဲ့ မက်စ်ကာရာအဆုံး။ ကျွန်မက မှန်တင်ခုံပေါ်မှာရော ကျန်သေးရဲ့လားလို့ အရွှန်းဖောက်တော့ ဒီအထုပ်က ရုံးအတွက် သီးသန့်လုပ်ထားတာပါ တဲ့လေ။ ကျွန်မ သဘောကျသွားတယ်။ ကိုယ်တိုင်က သပ်ရပ်ရုံလောက်ပဲ ပြင်ဆင်တတ်ပေမယ့် သူ့လို အသေးစိတ်ပဲများတတ်တဲ့ သူတွေကိုဆို ကျွန်မက သိပ်သဘောကျတာလေ။ သူတို့ကို ကြည့်ရတာ စိတ်ချမ်းသာလို့။ မာရီယာနဲ့ ကျွန်မ စာစသင်ကြတော့ ထုံးစံအတိုင်း အသံထွက်အခက်အခဲနဲ့ စတွေ့ရတယ်။ အဲဒါကလည်း အင်္ဂလိပ်စကားပြောတဲ့သူတွေ တွေ့ရလေ့ရှိတဲ့ အခက်အခဲတစ်ခုပါ။ တခြားကျောင်းသားတွေက ကျွန်မဆီရောက်ပြီဆိုတာနဲ့ မြန်မာလို ကြိုးစားပြောကြပေမယ့် သူကတော့ စာသင်ချိန်လေးပဲ ကြိုးစားပြောပြီး မပြန်မချင်း ဘိုလိုပဲ တောက်လျှောက် ပြောတတ်တယ်။ စာသင်ချိန်ကလည်း တစ်နာရီသတ်မှတ်ထားပေမယ့် သူက နာရီဝက်လောက်ဆို အာရုံစူးစိုက်မှုက မရတော့ဘူး။ နာရီတကြည့်ကြည့် စကားတွေပြောင်းပြော သင်နေတဲ့စာနဲ့မဆိုင်တဲ့ တခြားမေးခွန်းတွေ လျှောက်မေး လုပ်လာပါလေရော။ ဒီတော့ ဆက်သင်လို့မရမှန်းသိတော့ သူ့အလိုက်လေး သူမေးတာတွေဖြေပေး သူနဲ့စကားပြောပေးပေါ့။ ဒီထဲကမှ သင်ထားတဲ့စကားလုံးတွေ အသုံးတွေနဲ့ဆက်စပ်လာရင် မြန်မာလိုကြိုးစားပြောပေး၊ သူကလည်း အားနာနာနဲ့နေမှာ လိုက်ပြောပေါ့။ ဒီကို စာသင်လာတဲ့သူတွေ အတော်များများက သူများအကြောင်း မပြောအား မမေးအားကြသလို ဘယ်သူမှလည်း မေးလေ့မရှိကြဘူး။ စာသင်ရင်း အကြောင်းအရာနဲ့ဆက်စပ်မှသာ ပြောကြဆိုကြတာလေ။ သူကတော့ စာသင်ချိန် နာရီဝက်လောက်လွန်တာနဲ့ သူသိချင်တာတွေ ကျွန်မကိုမေး သူပြောချင်တာတွေ ကျွန်မကိုပြော၊ ခင်ဖို့တော့ ကောင်းတယ်။ သူ့မှာ သားနှစ်ယောက် သမီးတစ်ယောက် ရှိတဲ့အကြောင်း သူ့ယောက်ျားက မယ်လ်ဘန်းမှာ အိမ်အရောင်းအဝယ် ကိုယ်စားလှယ်လုပ်တယ်သတဲ့။ ဒီတော့ ကျွန်မဆီလာတဲ့ ကလေးတွေလို ရရာအလုပ် ပေါချောင်ကောင်းရတဲ့ တိုက်ခန်းမှာ သူတို့အချင်းချင်း ရှယ်နေကြ၊ ဒါမျိုးမဟုတ်ဘဲ ဒီမှာ သူဋ္ဌေးလာလုပ်တာလေ။ နေတာက ရွှေတောင်ကြားမှာ လုံးချင်းအိမ် ငှားနေတယ်။
...................

ဒီညနေတော့ မာရီယာလာမယ့်ရက်မို့ သွားစရာရှိတာတောင်မသွားဘဲ သူ့အလာကို စောင့်နေလိုက်တယ်။ ဒီမှာ စာလာသင်တဲ့သူတိုင်းက အကြောင်းတစ်ခုခုကြောင့် သူတို့မလာဖြစ်ရင် အီးမေးနဲ့ဖြစ်ဖြစ် ဖုန်းနဲ့ဖြစ်ဖြစ် ကြိုတင်ပြီး အကြောင်းကြားတတ်ကြတယ်လေ။ မာရီယာလည်း ဒီလိုပဲထင်ပေမယ့် နာရီဝက်လွန်တဲ့အထိ ဘာမက်ဆေ့ခ်ျ ဘာအီးမေလ်းမှ ဆက်သွယ်မလာသလို လူလည်း ပေါ်မလာဘူး။

ဘာလိုလိုနဲ့ သူပေါ်မလာတာ တစ်ပတ်လောက် ရှိသွားပြီ။ အကြောင်းမကြား ဘာမကြားနဲ့ဆိုတော့ သူ့နိုင်ငံများ ပြန်သွားလေသလား။ တခုခု အဆင်မပြေများ ဖြစ်လို့လား၊ ဗမာစကားသင်ရတာ သူ့အတွက် အရမ်းခက်ခဲတယ်လို့ပဲ ထင်လို့လား။ လားပေါင်းများစွာနဲ့ သူ့ကို မျှော်နေမိတယ်။ သူ့ရဲ့ဖော်ရွေမှုကြောင့် ကျွန်မ သူ့ကို ခင်နေမိတာလည်း ပါတာပေါ့။ ဟော တစ်ရက်တော့ အပြင်ရောက်နေတုန်း ဖုန်းဝင်လာတယ်။ သူ အလုပ်တွေသိပ်ရှုပ်နေလို့ မလာနိုင်တာကို အရင်ဆုံးတောင်းပန်လေရဲ့။ ပြီးတော့ ဒီညနေ ခါတိုင်းအချိန် သူလာခဲ့ပါ့မယ်ပေါ့။ စောင့်ရမှာပေါ့။ ကျွန်မ သူ့ကို စောင့်နေလိုက်ပါတယ်။
အကော်ဒီယံ တယောနဲ့ စန္ဒယားတီးသံလေးတွေ ရောတီးထားတဲ့ တီးလုံးသံလေးတွေနဲ့အတူ.....
ကျွန်မ သိပ်နှစ်သက်တဲ့ Steven Tyler သီချင်းကို ကြားရလို့ အနားမှာရှိတဲ့ ဖုန်းမျက်နှာပြင်ကို ကြည့်လိုက်မိတော့... ထင်တဲ့အတိုင်း မာရီယာ့ဆီက ဆက်တာပါ။ ဒီနေ့ သူ့စာသင်ချိန် ရှိပေတာကိုး။ ထုံးစံအတိုင်း သူဒီနေ့ မန္တလေးသွားရမှာမို့ ပြင်ရဆင်ရဦးမှာကြောင့် မလာနိုင်တော့တဲ့အကြောင်း လှမ်းပြောတာပါ။ စာသင်ချိန်မတိုင်မီ တစ်နာရီအလို ကြိုဆက်တော့ တော်သေးတာပေါ့။ တခြားလုပ်ချင်တာရှိတာ သွားချင်တာရှိတာ လုပ်လို့သွားလို့ရတယ်လေ။ မဟုတ်ရင် သူလာနိုး လာနိုး စောင့်နေရင်း လုပ်စရာရှိတာမလုပ်လိုက်ရဘဲ အချိန်ကုန်သွားတာတွေက များလှပေါ့။
..................
"ဟိုင်း ... မင်္ဂလာပါ"
ဟော လာပါပြီ။ ဗမာလိုရော အင်္ဂလိပ်လိုရော နှုတ်ဆက်သံနဲ့အတူ ပျာယာခတ်နေတဲ့ အမူအရာနဲ့ မာရီယာ။ ပြီးတော့ တောင်းပန်စကားဆိုလိုက်တာ တဖက်လူတောင် အားနာလာတယ်။ ဒီကြားထဲ ဒီကိုမလာဖြစ်ပေမယ့် စာတွေလုပ်ထားတဲ့အကြောင်းလည်း ပါရဲ့။ ပြီးတော့ ခါတိုင်းလို သူဗမာစကားပြော ပုံမှန်လာသင်တော့မယ့် အကြောင်းလည်း ပါတယ်။ ကျွန်မက မာရီယာမလာတော့ဘူးထင်လို့ အချိန်တချို့ကို အခြားကျောင်းသူ တယောက်ကို ပေးလိုက်တဲ့အတွက် တစ်ပါတ်ကို နှစ်ရက်လောက်ပဲ ရတော့မယ့်အကြောင်း ပြောတော့ ကျွန်မအဆင်ပြေတဲ့အချိန် ပေးသလောက်ရက်ကိုပဲ သူလာတက်ပါမယ်တဲ့လေ။ နောက်ပြီး သူ ဆယ်ရက်လောက် မလာနိုင်တဲ့အကြောင်းကို ထုံးစံအတိုင်း မမေးရဘဲ ရှင်းပြနေလေရဲ့။ သူနဲ့ သူ့ယောက်ျားက ဒီကို ရင်းနှီးမြှုပ်နှံဖို့ ဘာစီးပွားရေးလုပ်ရင်ကောင်းမလဲလို့ ဒီနှစ်အစောပိုင်းကတည်းက လာပြီး လေ့လာနေခဲ့တာတဲ့။ အခု သူ့သားနှစ်ယောက်ကိုပါ လှမ်းခေါ်လိုက်ပြီတဲ့လေ။ သူ ဟိုရက်တွေက ကျောင်းပျက်ရတာ သူ့သားတွေလာလို့ သူတို့အတွက် ဘာအလုပ်လုပ်ရင် ကောင်းမလဲ စဉ်းစားပေး စီစဉ်ပေးနေရတာတွေနဲ့ မန္တလေးကို သွားနေရတာကြောင့်ပါတဲ့။ ကျွန်မလည်း ကျွန်မဇာတိ မန္တလေးအကြောင်း ပါလာတော့ အဲဒီမှာ ဘာသွားလုပ်တာလဲ၊ သားတွေကို အလည်လိုက်ပို့တာလားလို့ မေးမိသွားတော့ အလည်သွားတာမဟုတ်ဘဲ သူ့သားဖွင့်မယ့်ဆိုင်အတွက် သွားကြီးကြပ်ပေးရတာတဲ့။ အဲဒီမှာ ဘားဆိုင် (စားသောက်ဆိုင်နဲ့တွဲတဲ့ အရက်ဆိုင် ဘီယာဆိုင်ပေါ့) ဖွင့်မှာမို့ အိမ်နေရာ စာချုပ်ချုပ်တာတွေ ဆိုင်အတွက်လိုတာတွေကို ပြင်ဆင်ပေးနေတာတဲ့လေ။ ကျွန်မလည်း ဘာရယ်မဟုတ် ဒီဆိုင်ဖွင့်တာ ဘာကြောင့်လဲ ဟိုမှာကတည်းက အတွေ့အကြုံရှိလို့လားလို့ မေးလိုက်မိတယ်။ သူတို့ အတွေ့အကြုံမရှိရင် မန္တလေးနဲ့နီးတဲ့ မေမြို့မှာ ကုန်ကြမ်းအဖြစ် ပြည်တွင်းဖြစ် ၀ိုင်ကောင်းကောင်းလေးတွေကို ဈေးချိုချိုနဲ့ရနိုင်တယ်လို့ ညွှန်ရအောင်လို့ပါ။ သူ ပြန်ပြောလိုက်တဲ့ စကားကြောင့် ကျွန်မ ခဏတော့ မင်တက်မိသွားရတယ်။ တဆက်တည်း ကျွန်မ ၀မ်းနည်းသွားတယ်။ ပြီးတော့ ကျွန်မ သတိမထားမိတဲ့ အဲဒီအပိုင်းကို စိတ်ပူရကောင်းမှန်းလည်း သိသွားရတယ်။ သူပြောတဲ့ စကားကိုလည်း ကြည့်ဦးလေ။

"ဖြူဖြူရဲ့ အခုလို အသွင်ကူးပြောင်းစနိုင်ငံ စီးပွားရေး ဂယောက်ဂယက်ဖြစ်နေတဲ့ အနေအထားမှာ အရက်သမား အသောက်သမားတွေ ပေါတတ်တာက သဘာဝလေ။ အဲဒီလိုအချိန်မျိုးမှာ ဖက်ရှင် အ၀တ်အထည်ဆိုင်လိုမျိုး၊ တခြားအပေါ်ယံ လူသုံးကုန်လိုမျိုး လာဖွင့်လို့ အလကားပဲပေါ့။ အခု ရန်ကုန်မှာရော မန္တလေးမှာရော တချို့ shopping mall ကြီးတွေ super market ကြီးတွေ ပိတ်လိုက်ရတာကို ကြည့်။ အခု လက်ရှိလည်း ကျန်တဲ့ဆိုင်ကြီးတွေက အရောင်းတွေကျ ထိုင်နေကြရတာတွေလည်း ရှိနေတယ်လေ။ ဒါကြောင့် ဒီအချိန်မှာ ဘားဆိုင်က တွက်ခြေအကိုက်ဆုံးပဲ။ သူက အရင်းအနှီးများပေမယ့် တရားဝင်အလုပ်ဖြစ်သလို သေချာတဲ့ အလုပ်လို့ ပြောလို့ရလို့ သားကိုလည်း ဒါကိုပဲလုပ်ဖို့ အကြံပေးပြီး ကိုယ်တိုင် ကြီးကြပ်ပေးနေတာပေါ့။ ကိုယ်တို့လင်မယားက ဒီမှာ တစ်ဆိုင်ဖွင့်မယ်၊ သားကို တခြားမြို့ကြီးဖြစ်တဲ့ မန္တလေးမှာပေါ့။ ကိုယ်တို့ကလည်း သေချာတဲ့အလုပ်ပဲ လုပ်ချင်တော့ ဒါပဲ ရွေးရတာပေါ့။ အရင်းအနှီးလေးဆုံးသွားရင် ပြန်စရာမရှိ ဖြစ်သွားမယ်လေ"တဲ့။ သူက ပြောပြီးတော့ သူ့သွား ညီညီလေးတွေ ပေါ်အောင် မော့ရယ်ချလိုက်သေးတယ်။ သြော်... သူတို့ ကျွန်မတို့နိုင်ငံအပေါ် ဒီအချိန်မှာ ဒီလို မြင်သတဲ့ တွက်သတဲ့လား။ ၀မ်းနည်းပေမယ့် သူ့ကို စိတ်မဆိုးပါဘူး။ သူက ပွင့်ပွင့်လင်းလင်း ရိုးသားစွာ တွက်ပြ တိုင်ပင်နေတာလေ။ ကျွန်မ ကြည့်ဖူးထားတဲ့ နော်ဝေအခြေစိုက် ဒီဗွီဘီကလွှင့်တဲ့ ရုရှားနိုင်ငံ အသွင် ကူးပြောင်းကာလ documentary လေးကို ကြည့်ဖူးထားလို့လည်း သူ့ကို စိတ်မဆိုးဘဲ ခေတ်အခြေအနေကို ဆင်ခြင်သွားမိတာလည်း ပါမှာပါ။ ဒါပေမယ့် ဘယ်လိုမှန်းမသိ ကျွန်မ ရင်လေးလာသလိုပဲ။ တကယ်...။

ဖြူဖြူဝင်း (မြန်မာစာ)

အမြုတေရတနာများ


မြန်မာဓလေ့စရိုက်တွေနဲ့ ယဉ်ကျေးမှုအတွေးအခေါ် တို့ရဲ့ အမြုတေရတနာများ

လူသားတွေဟာ အသိုင်းအ၀ိုင်းအဖွဲ့အစည်းနဲ့ နေထိုင်လေ့ရှိကြတာက သဘာဝတရားတစ်ခုပါ။ လောကကြီးရဲ့ သဘာဝကိုက စုပေါင်းနေထိုင်မှုအပေါ်မှာ အခြေခံပြီးထားတာကိုး။ ဒီလိုစုပေါင်းနေထိုင်ရာမှာလည်း ဘာသာစကားတူ၊ ယုံကြည်မှုတူ၊ ဓလေ့စရိုက်တူရာကိုလိုက်ပြီး အစုအသင်းဖွဲ့နေတတ်ကြပါတယ်။ ဒါကြောင့် လူ့လောကကြီးမှာ လူမျိုးအသီးသီး ကွဲပြားလာခဲ့တာ ဖြစ်ပါတယ်။ ကမ္ဘာပေါ်မှာရှိတဲ့ လူမျိုးနွယ်စုပေါင်း အများကြီးရှိတဲ့အထဲမှာ မြန်မာလူမျိုးတွေလည်း အပါအ၀င်ဖြစ်ပါတယ်။ ဒါပေမယ့် တခြားလူမျိုးအနွယ်စုတွေနဲ့ နှိုင်းရင်မြန်မာအနွယ်စုတွေဟာ အနည်းစုသာဖြစ်ပါတယ်။ လူမျိုးနွယ်စုအနေနဲ့ နည်းပေမယ့် မြန်မာတွေဟာ ကိုယ်ပိုင် ဘာသာစကား စာပေနဲ့ ယဉ်ကျေးမှုတွေနဲ့ ကမ္ဘာပေါ်မှာ တခမ်းတနား ရပ်တည်နေနိုင်တာကို တွေ့ရပါတယ်။ ဒီလိုရပ်တည်နေနိုင်တဲ့ အဓိက သော့ချက်ကတော့ အနုစာပေဘာသာစကားနဲ့ တခြားယဉ်ကျေးမှု အထောက်အထားတွေပဲ အခိုင်အမာ မှတ်တမ်းကျန်ခဲ့တာ မဟုတ်ဘဲ လူ့ဘောင်အဖွဲ့အစည်းအတွက် ပဓာနကျလှတဲ့ ဥပဒေစည်းကမ်းဆိုင်ရာ လျှောက်ထုံးဖြတ်ထုံးကျမ်းတွေကိုလည်း ခေတ်အဆက်ဆက်က ပြုစုထိန်းသိမ်းခဲ့ကြလို့ဖြစ်ပါတယ်။ ကမ္ဘာ့လူမျိုးအသီးသီးမှာ မိမိရဲ့ ဆိုင်ရာ စာပေယဉ်ကျေးမှု၊ လူမှုဓလေ့တွေ အရှည်တည်တံ့စေဖို့အတွက် သက်ဆိုင်ရာ ဓလေ့ဘာသာထုံးစံအလိုက် သင့်တော်တဲ့ `တရားဥပဒေစည်းကမ်း´ တွေ ရေးဆွဲထားခဲ့ကြပါတယ်။ မြန်မာလူမျိုးတွေမှာလည်း မိမိတို့ ဘာသာဓလေ့ထုံးစံအလိုက် သင့်တော်တဲ့ တရားဥပဒေစည်းကမ်းတွေ ရေးဆွဲထားခဲ့တာကို တွေ့ရပါတယ်။ မြန်မာလူမှုစည်းကမ်းထိန်းသိမ်းရာမှာ အရေးပါတဲ့ လက်နက်တစ်ခုကို ညွှန်ပြဆိုရင်တော့ မြန်မာ့ဓမ္မသတ်ကျမ်းအခေါ် လျှောက်ထုံးဖြတ်ထုံးတွေကို ညွှန်ပြရမှာပါ။ ဒီမြန်မာ့ ဓမ္မသတ်ကျမ်း လျှောက်ထုံး ဖြတ်ထုံးတွေကို လေ့လာကြည့်ရင် မြန်မာတွေရဲ့ ရိုးရာယဉ်ကျေးမှု ဓလေ့ထုံးစံနဲ့ အတွေးအခေါ်စတဲ့ မြန်မာမှုအစုံစုံကို သိရှိနိုင်ပါတယ်။
မြန်မာစကား `လျှောက်ထုံး´ဆိုတာရဲ့ သဘောကတော့ ရှေးမြန်မာမင်းတွေလက်ထက်က ပညာရှိအမတ်ကြီးတွေနဲ့ တိုင်ပင်လေ့ရှိကြပါတယ်။ အဲဒီအခါ ပညာရှိအမတ်ကြီးတွေက ထုံးပုံသာဓကတွေနဲ့ လျှောက်ထားလေ့ရှိကြပါတယ်။ ဒါကို လျှောက်ထုံးလို့ ခေါ်ပြီး ဒီလျှောက်ထုံးတွေကို ၀န်ထောက်တွေ၊ စာရေးတော်တွေက မှတ်သားရပါတယ်။ ရွှေတိုက်တော်မှာ ဒါတွေကို ကြားနာကြတဲ့ မှူးမတ်တွေကလည်း မှတ်သားပြီး အဆင့်ဆင့် ပြောကြားလေ့ရှိပါတယ်။ ဒီလျှောက်ထုံးတွေဟာ ဖြတ်ထုံးတွေနဲ့ ခြားနားပါတယ်။ ဖြတ်ထုံးဆိုတာကတော့ ဓမ္မသတ်ကျမ်းကို မှီးပြီး စီရင်ချက်ချပုံ အမှုသွား အမှုလာ အမှုသည် အမှုနဲ့ အမှုဖြစ်တဲ့နေရာ၊ အချိန် စတာတွေကို မှတ်တမ်းတင်ထားတဲ့ ကျမ်းပါ။ လျှောက်ထုံး၊ ဖြတ်ထုံးတွေဟာ သဘောတရားချင်း ဒီလိုခြားနားပေမယ့် မြန်မာ့လူမှု အထောက်အထားတွေအဖြစ် အကျိုးရှိပြီး အသုံးဝင်ပုံခြင်းကတော့ တူညီလှပါတယ်။
လျှောက်ထုံးတွေထဲက အဟောင်းဆုံးလျှောက်ထုံးလို့ သတ်မှတ်ထားကြတဲ့ ကုန်းဘောင်ခေတ် ရှင်စန္ဒလင်္ကာရရေးသားတဲ့ မဏိရတနာပုံကျမ်းခေါ် ဘိုးရာဇာလျှောက်ထုံးမှာဆိုရင် မြန်မာတို့ရဲ့ ဓလေ့ထုံးစံတစ်ခုဖြစ်တဲ့ သားသမီးကျင့်ဝတ်ငါးပါးနဲ့ သားကောင်းသမီးကောင်းဖြစ်ကြစေဖို့ ဆရာတော် ရှင်စန္ဒလင်္ကာရက တင်ပြထားတာကို တွေ့ရပါတယ်။ ဒီလိုတင်ပြတဲ့အခါမှာ လျှောက်ထုံးကို ဖတ်မိသူတွေ လိုက်နာချင်ဖွယ် ဖြစ်လာစေဖို့…
`လူတို့သည် မိကောင်းဖကောင်းသားသမီးကား ဖြစ်လွယ်၏။ သားကောင်း သမီးကောင်း မိဘတို့မူကား အလွန်ပင်ဖြစ်ခဲသည် မဟုတ်တုံလေဟု ဘိုးရာဇာအား ဘုရင်မင်းခေါင်က မေးတော်မူ၏။ ဘိုးရာဇာက ဟုတ်မှန်ကြောင်း ပြောဆိုပြီးသော် သားကောင်း သမီးကောင်းကို ရှင်းလင်းလျှောက်ထားသည်။ သားကောင်းသမီးကောင်းဟု ဆိုထိုက်ရန် သားသမီးကျင့်ဝတ်ငါးပါးဖြင့် ညီရန်လို၏။ ထိုငါးပါးမှာ မိဘတို့ကို လုပ်ကျွေးမှုပြုခြင်း၊ မိမိ၏ အမှုကိုပစ်၍ မိဘတို့၏ အမှုကို ဆောင်ရွက်ခြင်း၊ အမျိုးအနွယ်ပြန့်ပါားအောင် ဆောင်ရွက်ခြင်း၊ မိဘ၏အမွေကို ခံယူထိုက်ရန် ကျင့်ကြံခြင်း၊ မိဘတို့ ကွယ်လွန်သော် ကုသိုလ်ကောင်းမှုပြု၍ မိဘတို့အား အမျှပေးဝေခြင်းဖြစ်သည်။´ လို့ ဖော်ပြထားပြီး ကျေးဇူးသိတတ်စေဖို့ ဘုရားလောင်း ရတနာပစ္စောတ မင်းသားက မယ်တော်ရဲ့ အသက်အတွက် မိမိရဲ့အသက်ကိုစွန့်ပြီး ဘီလူးရန်က ကာကွယ်ခဲ့ပုံအဖြစ်အပျက်လေးနဲ့ ထပ်မံပြီး သာဓကဆောင်ဖော်ပြခဲ့ပါတယ်။ ဒီခေတ်အနေနဲ့ ကိုယ့်အလုပ်နဲ့ကိုယ်ရှုပ်၊ ကိုယ့်မိသားစုအရေးအတွက် လှုပ်ရှားရုန်းကန်နေကြရလို့ အမေ့မေ့ အလျော့လျော့ အဖြစ်ခံနေကြရတဲ့ ကိုယ့်မိဘတွေရဲ့ နေရာအတွက် သတိပြုမိစရာလေးတစ်ခုလည်း ဖြစ်ပါတယ်။ ဒါပေမယ့် သားကောင်း သမီးကောင်းဖြစ်ဖို့ မိဘကျေးဇူးသိတတ်ဖို့ အလေးအနက်ထားတတ်တာဟာ မြန်မာတွေရဲ့ အဓိကကျတဲ့ လူမှုဓလေ့တစ်ရပ်ဆိုတာကို သိနိုင်ပါတယ်။ မြန်မာတွေဟာ ရှေးရိုးယဉ်ကျေးမှုကို ခင်တွယ်တတ်ကြပါတယ်။ တစ်ခါတစ်ရံမှာ အယူသီးအစွဲအလမ်းကြီးတတ်တဲ့ သဘော ဖြစ်သွားတာမျိုးလည်း ရှိပါတယ်။ ကိုင်းစားမနုရာဇာ လျှောက်ထုံးခေါ် မဟာရာဇသတ်ကြီးမှာ ဒီနေ့အထိ တွေ့နေရသေးတဲ့ နတ်ထိန်း၊ နတ်ရိုးစတင်ပေါ်လာရပုံကို-
`သေလည်ကြောင် ဘုရင်မင်းမြတ်သည် မောင်တင့်တယ်နတ်မောင်နှမကို ပုပ္ပါားတောင်မှာ နတ်ကွန်း၊ နတ်နန်းဆောက်လုပ်တည်ထား ကိုးကွယ်သည်။ မောင်တင့်တယ်နတ်မှာ ဘုရင်မင်းမြတ်နှင့် စကားစမြည်ဆိုလေ့ရှိသည်။ တစ်ခါသော် မိဖုရားကိုယ်လုပ်မောင်းမတို့ကလည်း နတ်မင်းကို တွေ့မြင်လိုသည်ဟု တောင်းပန်ကြသည်။ တွေ့ခွင့်ရလျှင် ကန္နား ၄တိုင်ဆောက်၍ ဗိတာန်ကြက်ပြီးလျှင် ကြေးလင်ပန်းကို ရေအပြည့်ထည့်၍ ထား၏။ လင်ပန်းဖလားများကို တီးသူတီးလျက် နေကြ၏။ လက်ခုပ်တီးသူကလည်း တီးနေကြရ၏။ အလုံးစုံ စီရင်ပြီး၍ မင်းမိဖုရားမောင်းမမိဿံတို့ ကန္နားတွင်း ၀င်ကြ သော် နတ်မင်းကိုယ်ထင်ပြ၍ မိန်းမောတွေဝေ လန့်ဖျပ်ကြကုန်၏။ ကြေးလင်ပန်းထဲမှ နတ်ရေစင်နှင့် ဖျန်းမှ အမူးအဝေပြေကြလေ၏။ ထိုအခါမှစ၍ နတ်ဝင်၊ နတ်ထိန်းရိုး ပေါ်သည်။´
ဆိုပြီး စိတ်ဝင်စားဖွယ် မှတ်တမ်းတင်ထားပါတယ်။ ဒါက မျက်မြင်ကိုယ်တွေ့မဟုတ်။ ပါးစပ်ရာဇ၀င်လောက်သာ ဖြစ်ခဲ့ဟန်တူပေမယ့် အခုလို မဟာမှတ်တမ်းတင်ခဲ့တာကိုက မြန်မာတွေရဲ့ အရိုးစွဲနေတဲ့ နတ်ကိုးကွယ် ယုံကြည်မှုတစ်ခုလို့ ဆိုရမှာပါ။ ရှေးရိုးရာကို ခင်မင်မြတ်နိုးပြီး ရိုးသားလှတဲ့ မြန်မာလူမျိုးတွေဟာ အစွဲအလမ်းကြီးရုံသာမက အဲဒီအစွဲအလမ်းကြီးမှုကနေ အယူသီးတဲ့အဖြစ်ထိ ရောက်ရှိခဲ့ကြတာကို တွေ့ကြရမှာပါ။ ဒီနေ့ခေတ်အထိလည်း နတ်နန်းတွေမှာ နတ်ထိန်း၊ နတ်ထိန်းဆိုတာတွေ မရှိမဖြစ် တွေ့နိုင်ပါတယ်။
ဒါ့အပြင် ရှေးမြန်မာတွေဟာ စိတ်သဘောထား နူးညံ့သိမ်မွေ့ဖြူစင်သူတွေလည်း ဖြစ်ကြပါတယ်။ ကိုယ်နှုတ်နှလုံးကံသုံးပါးကို ဗုဒ္ဓဘာသာဝင်တွေပီပီ အထူးစောင့်ထိန်းခဲ့ကြပါတယ်။ ၀စီကံဆိုတဲ့ နှုတ်ထွက်ကြမ်းမှုကိုလည်း အထူးရှောင်ရှားကြပါတယ်။ ကိုယ်တိုင်ထိန်းသိမ်းကြသလို တစ်ပါးသူတွေကိုလည်း ထိန်းသိမ်းစေလိုကြပါတယ်။ နှုတ်လွန်မှုနဲ့ ပတ်သက်ပြီး မကျေမနပ်ဖြစ်ပြီး ရုံးပြင်ကန္နားရောက်တဲ့အထိလည်း ဖြစ်ခဲ့ကြပါတယ်။ ရန္ဒမိတ်ကျော်ထင် ဘွဲ့ခံ ဦးမှိုင်းရဲ့ `ရေစကြိုခုံတော်ဖြတ်ထုံး´ မှာ နှုတ်လွန်မှု တရားဖြတ်ထုံးတွေကို အများကြီးတွေ့ရပါတယ်။ ဒီနှုတ်လွန်မှုတွေမှာလည်း အခုခေတ်သုံးနှုန်းပြောဆိုနေကြတဲ့ မောင်နှမချင်း၊ သားအဖချင်းတောင် ကြားလို့မတော်တဲ့ ရုန့်ရင်းကြမ်းတမ်းတဲ့ စကားမျိုး၊ အဆဲမျိုးတွေ မဟုတ်သေးပါဘူး။ နားဝင်ယဉ်ယဉ်နဲ့ အနက်နှစ်မျိုးထွက်တဲ့ စကားတွေသာ ဖြစ်ပါတယ်။ ရေစကြိုခုံတော် ဖြတ်ထုံး နှုတ်လွန်မှု တရားတစ်ခုမှာ-
`မညိုဆိုသူက မိမိ၏ ပထမခင်ပွန်းနှမဖြစ်သူ မလှက ဒိန်နက်သဲဆင်းမ ဟု ဆိုသည်။ တိ တီတစ်လုံးတက်မြဲကို နှစ်လုံးတက်သဖြင့် ဗေဒင်အရ ဒိန်နက်သဲဆင်း သည်ဟု ပြောရိုးဖြစ်သည်။ ထိုနည်းတူ မိမိကိုလည်း တစ်လင်မှနှစ်လင် အမြန်သင့်နေသည် ဟု ဆိုခြင်းဖြစ်၍ မခံနိုင်ကြောင်း ရေစကြိုခုံတော်သို့ လျှောက်ထားလာသည်။ စီရင်ရာတွင် ဒိန်နက်သဲဆင်း ဟုဆိုသူ မလှမှာ ဗေဒင်စကားကျွမ်းသူ မဟုတ်၍ အပြစ်ဒဏ်စီရင်ရန်မသင့်။ စကားဆိုရာတွင် ပရိယာယ်(လှည့်ပတ်၍ပြောဆိုခြင်း) နိမိတ် (အကြောင်းကိုကောက်၍ဆိုခြင်း) သြဘာသ (အရိပ်ပြ၍ ဆိုခြင်း) တိုက်ရိုက်ဆိုခြင်းဟု လေးမျိုးရှိသည်။ မလှဆိုသောစကားမှာ ပထမ ၃မျိုးတွင်သာ အကျုံးဝင်သဖြင့် တရားလ္ဘက်ကျနသမျှ ခံ၍ ပြေငြိမ်းစေရန် ခုံတော်က စီရင်သည်´ဆိုပြီး တွေ့ရှိရပါတယ်။ ဒီခေတ်အနေနဲ့တော့ ထူးခြားဆန်းပြားတဲ့ အမှုတစ်ခုပေါ့။
ဒါ့အပြင် အမျိုးသမီး အချင်းချင်း တစ်ဦးကိုတစ်ဦးက သန္ဓေဖျက်မလို့ ခေါ်ဝေါ်မှု၊ အမည်ဖျက်ပြီး ခေါ်ဝေါ်မှု စတာတွေမှာလည်း မြန်မာတွေရဲ့နှုတ်ကို ဘယ်လောက် ထိန်းသိမ်းတတ်ကြပုံကို တွေ့နိုင်ပါသေးတယ်။ နှုတ်မှုစောင့်စည်းရာမှာ အတုယူဖွယ်၊ နှစ်သက်ဖွယ် ရှေးမြန်မာဓလေ့လေးတွေကို မြင်တွေ့နိုင်ပါတယ်။ တစ်ဦးကိုတစ်ဦး အသရေ ညစ်နွမ်းစေတယ်လို့ ယူဆတဲ့ ဒိန်နက်သဲဆင်းမ လို့ အရိပ်အမြွက်စကားလောက် ဆိုခံရတာကို မနှစ်သက်ကြသလို သန္ဓေဖျက်မ၊ ပုံသား။ (အဖစွဲရာမရှိသော သားသမီး)၊ ပါးပုတ်မည် စတဲ့ တိုက်ရိုက်ဆိုတဲ့ အမှုတွေမှာတော့ တရားရုံးတော်ကတောင် ချမ်းသာမပေးဘဲ ဒဏ်တပ်လေ့ရှိခဲ့ပါတယ်။ အမည်နာမကိုလည်း ပီပီသသ ခေါ်ဆိုရမြဲ ဖြစ်ကြောင်း၊ အလေးအနက်ထားခဲ့ကြကြောင်း အမှုလေးတစ်ခုကို ကြည့်ရင် သိနိုင်ပါတယ်။ မြန်မာတွေဟာ မိမိတို့ရဲ့ အမည်နာမကို မပီမသ အပျက်သဘောနဲ့ ပြောဆိုဆက်ဆံတာမျိုးကို စက်ဆုပ်တတ်ကြပါတယ်။ ဒါပေမယ့် `ငငှက်´ ကို `ငငက်´ ခေါ်လို့ တရားစွဲခံရတဲ့ အမှုမှာတော့ ရှေးမြန်မာတို့ရဲ့ တရားစီရင်မှု ဆင်ခြင်တုံတရားကို တွေ့မြင်နိုင်ပါတယ်။ အမည်နာမကို အပျက်သဘောခေါ်တာလား ဒါမှမဟုတ် ပီသအောင် မရွတ်ဆိုနိုင်လို့ ခေါ်မိခြင်းလားဆိုတာကို ရုံးတော်က အသေအချာ စစ်ဆေးခဲ့ကြပါတယ်။ ဒီလို `ငငက်´လို့ ခေါ်မှုမှာ ခေါ်သူ ငပေါယ်ဟာ ရှမ်းအမျိုးသား ဖြစ်ပါတယ်။ ရှမ်းအမျိုးသားတွေဟာ ဟ,ထိုးသံကို ပီသအောင် ရွတ်ဆိုနိုင်သူ နည်းပါးတဲ့အတွက် အမှုမဖွင့်သာပါလို့ စစ်ဆေးပြီး စီရင်ချက်ချမှတ်လိုက်ပါတယ်။ ဒီနှုတ်လွန်မှုတွေကို ကြည့်ရင် ရှေးမြန်မာတွေဟာ နှုတ်မှုကို ဘယ်လောက် အလေးအနက်ထားခဲ့ကြပြီး တဖက်သာိးု ထိကပါးရိကပါး မခံချင်အောင် ပြောဆိုမှုတွေက ရှောင်ကြဉ်ကြအောင် ဒီလိုဖြတ်ထုံး စီရင်ချက်တွေနဲ့ အကာအကွယ်ပေးထားကြတာက အံ့သြစရာ၊ ချီးကျူးစရာပါ။ တစ်ဦးနဲ့တစ်ဦး မပြေလည်လို့ ခုံရုံးကိုရောက်လာရင်လည်း ခုံသူကြီးတွေဟာ လူ့စရိုက်ဓလေ့သဘာဝတွေကို သေသေချာချာ ဆင်ခြင်လေ့လာပြီးမှ ဆုံးဖြတ်တတ်ကြပုံကိုလည်း တွေ့ရှိရပါတယ်။
မြန်မာတွေဟာ အသိုင်းအ၀ိုင်းနဲ့ နေတတ်ကြသူတွေပီပီ လူမှုစည်းကမ်းတွေကိုလည်း နားလည်ကြပါတယ်။ လူမှုဝတ္တရားတွေကိုလည်း နားလည်ထားကြရပါတယ်။ နားမလည်သူ လူမှုစည်းကမ်းချိုးဖောက်တဲ့ သူတွေကိုလည်း ဓမ္မသတ်က ခွင့်မပြုပါဘူး။ ရှေးခေတ်က ကူးသန်းသွားလာရေးမှာ လှေကိုပဲ အများဆုံးအသုံးပြုခဲ့ကြရပါတယ်။ ဒါကြောင့် လှေမောင်းသူ လှေစီးတဲ့သူ နှစ်ဦးနှစ်ဖက် ထားသင့်တဲ့အချက်တွေကိုလည်း မနုကျယ်ဓမ္မသတ် ဒုတိယတွဲ `ကူးတို့ပို့တရား´ မှာ-
`ကူးတို့ပို့သော သူသည် ကူးတို့ခကို တန်ရုံသာ ဆင်ခြင်၍ ယူအပ်၏။ ကိုယ်ဝန်ရှိသော မိန်းမ၊ သီတင်းရှိသော ရဟန်း၊ ပုဏ္ဏား၊ သူနာ၊ သူဖျားတို့အား အခမပါလျှင် မူလည်း ပို့အပ်၏။ အနိုင်အထက်မပြုအပ်သတည်း´ လို့ ဖော်ပြထားတဲ့ ဓမ္မသတ်လေးဟာ ခရီးသွားလာနေကြတဲ့ အများပြည်သူလူထုတွေအတွက် အားကိုးထိုက်၊ ပြဌာန်းထိုက်တဲ့ အချက်လေးဖြစ်ပါတယ်။ လှေစီးခရီးသွားနဲ့ ကူးတို့သည်တို့ အပြန်အလှန်ထားရတဲ့ စည်းကမ်းဖြစ်ပါတယ်။ ခရီးသွားဘက်ကလည်း စည်းကမ်းကို ရိုသေရမှာဖြစ်သလို ကူးတို့သည်ကလည်း လောဘကြီးပြီး ခရီးသွားဦးရေ အဆမတန်တင်ဆောင်ခွင့် မရှိပါဘူး။ တင်လို့ အန္တရာယ်ဖြစ်ခဲ့ရင် ကူးတို့သမားတာဝန်ပဲ ဖြစ်ပါသတဲ့။ တစ်ဖက်ကလည်း ခရီးသွားတွေက ငွေနဲ့ အနိုင်အထက်ပြုပြီး ကူးတို့စည်းကမ်းကို မဖောက်သင့်၊ တစ်စုံတစ်ရာအန္တရာယ်ဖြစ်လာရင် အဲဒီလို အနိုင်အထက်ပြုသူတို့ရဲ့ တာဝန်ပဲဖြစ်ကြောင်း ထပ်မံပြဌာန်းထားပြန်ပါတယ်။ ဒါတွေဟာ ရှေးမြန်မာတို့ရဲ့ လူမှုဝတ္တရားစောင့်ထိန်းတတ်ပုံ၊ လူမှုရေးမသိတဲ့ စည်းကမ်းပျက်သူတွေကို ဥပဒေသက ခွင့်မပြုပုံတွေပဲ ဖြစ်ပါတယ်။ အတုယူဖွယ်လည်း ကောင်းလှပါတယ်။ ဒီဓမ္မသတ်စည်းမျဉ်းလေးကိုသိရမှ အခုခေတ် ဗန်းစကားလေးဖြစ်တဲ့ `ကြိမ်ခွေ´ ဆိုတာလေးကို သွားသတိရမိပါတယ်။ မန္တလေးတိုင်း သဲတော၊ ၀မ်းတွင်းတစ်ဝိုက်မှာ ခေတ်စားအသုံးတွင် နေတဲ့ ဒီဗန်းစကားလေးရဲ့အဓိပ္ပာယ်က `ဖောင်ကွပ်= ဖွတ်ကောင်= ဘာမှအသုံးမကျသူ အသုံးမ၀င်သူ´ ရယ်လို့ အဓိပ္ပာယ်ရှိပါတယ်။ ဒီစကားလုံးဟာ မိတ္ထီလာ- ၀မ်းတွင်း- မန္တလေး ပြေးဆွဲနေတဲ့ အဝေးပြေးကားက ကားစပယ်ယာတွေ ကားမောင်းသူတွေ လောကက ပေါ်လာတာလို့ သိရပါတယ်။ သူတို့ညွှန်းဆိုလိုတဲ့ `အသုံးမကျတဲ့သူ´ ဆိုတာက ကားလမ်းပေါ်မှာ ကျောင်းဆင်းချိန်အိမ်အပြန်မှာ လမ်းကနေ လက်တားပြီး အကြုံလိုက်စီးကြမယ့် ရွာနီးချုပ်စပ်က ကျောင်းဆရာ/ ဆရာမတွေကို ညွှန်းခြင်းဖြစ်ပါတယ်။ ကားဆရာတွေ၊ စပယ်ရာတွေက အဲဒီလို လမ်းကြုံလိုက်စီးတဲ့ ဆရာ ဆရာမတွေကို အခကြေးငွေ မယူရဆိုတဲ့ စည်းမျဥ်းရှိပေမယ့် ဒီခေတ်ရဲ့ ဓာတ်ဆီဈေးနှုန်းအရ အခုလို အလကားမတ်တင်း ခရီးသည်တွေကို တင်ဆောင်ပေးရတာဟာ မကိုက်တာကြောင့် ပို့ဆောင်မပေးလိုကြတာပါ။ စကားလုံးဆင့်ပွားဖြစ်ပေါ်လာပုံ လေးကတော့ `ကြိမ်ခွေ´ ဆိုတာက သစ်ဖောင်ဖွဲ့တဲ့ အခါမှ ပြုတ်ထွက်မသွားရလေအောင် သစ်တစ်ခုနဲ့တစ်ခု ကို ပူးကပ်ပြီး ဖောင်အကွပ်အဖြစ် သုံးတဲ့အရာပါ။ ဒီတော့ ကြိမ်ခွေ- ဖောင်ကွပ် (ဒီစကားလုံးလေးကို စကားလိမ်ပြုလိုက်တော့) ဖွတ်ကောင် ဖြစ်လာရတာပါ။ ရှေးက အလေးအနက်ထား လိုက်နာခဲ့ကြတဲ့ ဥပဒေစည်းမျဉ်းတစ်ခုဟာ သူ့ခေတ်သူ့အချိန်အခါအရ ဒီစည်းမျဥ်းလေးဟာ လိုက်နာစရာကနေ လိုက်နာတဲ့သူတွေအတွက် နစ်နာစရာအဖြစ်ကို ပြောင်းလဲသွားခဲ့ရတာကလည်း သင်္ခါရသဘောတရားပေပဲလား။
ဒါ့အပြင် မိမိရဲ့ ကျွန်ဖြစ်ခဲ့ဖူးပေမယ့် ကံကောင်းအကြောင်းလှလို့ ကျွန်အဖြစ်က ကျွတ်လွတ်သွားပြီး ချမ်းသာသွားတဲ့ သူကို ပြန်ဆုံတွေ့ရရင် `ငါ့ကျွန်ဖြစ်ဘူးသည်´ ဟု မဆိုအပ်ကြောင်း၊ အဲဒီလို ပြောဆိုလာရင် လူပုံအလယ်မှာ တစ်ဖက်သားကို အရှက်ရစေလို့ မင်းဒဏ်သင့်စေကြောင်း စတာတွေကိုလည်း မနုကျယ်ဓမ္မသတ်ကျမ်းမှာ တွေ့ရှိရပါသေးတယ်။ လူလူချင်း စာနာစိတ်ထားတတ်စေဖို့ ထိန်းကွပ်ထားတဲ့ မြန်မာ့လူ့ဘောင်ဓလေ့ တစ်ရပ်လည်း ဖြစ်ပါတယ်။
နောက်ပြီး မြန်မာအမျိုးသမီး ထုအတွက်ကိုလည်း အရွယ်မရောက်သေးတဲ့ ကညာ၊ မျက်စိနှစ်ဖက်ကန်းနေတဲ့ ကညာ၊ ရူးသွပ်နေတဲ့ကညာ၊ အရွယ်လွန်ပြီးတဲ့ကညာ၊ ဒီကညာလေးဖော်ကိုလည်း မပြစ်မှားထိုက်တဲ့အကြောင်း၊ ကာအိနြေ္ဒကို မပျက်ပြားစေသင့်ကြောင်း၊ မပြစ်မှားထိုက်တဲ့ ကညာတွေအနက် မျက်စိကန်းနေသူနဲ့ ရူးသွပ်နေတဲ့သူတွေကို သူတို့ဆန္ဒပါသည်ဖြစ်စေ၊ မပါသည်ဖြစ်စေ ကျူးလွန်သူတွေဟာ ကြီးမားတဲ့ အပြစ်ဒဏ်သင့်စေမှာ ဖြစ်ကြောင်း၊  ဒါတင်မကပါဘူး၊ ကိုယ်ဖိုးလျော်ကြေးငွေကိုလည်း ပေးလျော်ရမှာဖြစ်တဲ့အပြင် သန္ဓေရှိရင်လည်း မိခင်ရော ကလေးအတွက်ကိုပါ တာဝန်ယူရမှာ ဖြစ်ကြောင်း ပြဌာန်းတားမြစ်ထားပါသေးတယ်။ မြန်မာမိန်းမပျိုလေးတွေရဲ့ ဘ၀လုံခြုံရေးအတွက် ရှေးမြန်မာဥပဒေပညာရှင်တွေဟာ လျှောက်ထုံးတွေနဲ့ အသိပညာပေးခဲ့ကြပြီး ဓမ္မသတ်တွေနဲ့ မဖျက်ဆီးမစော်ကားဝံ့အောင် ခြောက်လှန့်တားမြစ်ခဲ့ကြတာကိုလည်း တွေ့ရှိရပါတယ်။
ဒီတော့ ဒီလျှောက်ထုံး ဖြတ်ထုံး ဓမ္မသတ်တွေက အမှုဖြစ်ပုံ စီရင်ပုံ မင်းအား လျှောက်ထားပုံ စတာတွေကို ကြည့်ရင် မြန်မာလူမျိုးတွေရဲ့ တာဝန်သိတတ်မှုနဲ့ ဓလေ့စရိုက်တွေ၊ ရိုးရာယုံကြည်မှုနဲ့ ယဉ်ကျေးမှု အတွေးအခေါ်စတဲ့ အမြုတေရတနာတွေအဖြစ် တွေ့မြင်လေ့လာနိုင်ပါတယ်။ ဒီစီရင်ထုံး အချက်အလက်တွေကို ကြည့်ပြီး ခေတ်နဲ့ လျော်ညီသလို ပြင်ဆင်၊ ဖြည့်စွက်သင့်တာတွေကို ဖြည့်စွက်ပြင်ဆင်နိုင်ကြ၊ အတုယူစရာရှိရင်ယူ၊ ရှောင်စရာရှိရင် ရှောင်ရှားနိုင်ကြပါတယ်။ ဒီကျမ်းတွေရဲ့ အဓိကအကျိုးကတော့ တိုင်းပြည်အတွင်းမှာ မှီတင်းနေထိုင်ကြတဲ့ ပြည်သူပြည်သားတွေရဲ့ လုံခြုံရေးအခွင့်အရေးနဲ့ အချင်းချင်း ပဋိပက္ခမဖြစ်ပွားရေးက အဓိက ဖြစ်တာကို တွေ့ကြရပါတယ်။ ဒါကြောင့်လည်း မြန်မာလျှောက်ထုံး ဖြတ်ထုံးကျမ်းတွေဟာ မြန်မာဓလေ့စရိုက်နဲ့ ယဉ်ကျေးမှု အတွေးအခေါ်တို့ရဲ့ အမြုတေရတနာတွေလို့ပဲ ဆိုချင်ပါတော့တယ်။

ဖြူဖြူဝင်း (မြန်မာစာ)

ကျမ်းကိုး
-မဏိရတနာပုံကျမ်းခေါ် ဘိုးရာဇာလျှောက်ထုံး (ရှင်စန္ဒလင်္ကာရ)
-ကိုင်းစားမနုရာဇ လျှောက်ထုံးခေါ် မဟာရာဇသတ်ကြီး
-ရေစကြိုခုံတော် ဖြတ်ထုံး (ရန္တမိတ်ကျော်ထင်)
-မနုကျယ်ဓမ္မသတ်(ဒုတိယတွဲ)

ရနံ့သစ်မဂ္ဂဇင်း (၂၀၁၀၊ အောက်တိုဘာလ)

Bilingual Language Centre (Teaching Burmese to non-Burmese)


  •  Language Instructor:
  • Dr.Phyu Phyu Win
[ Ph.D., M.A., B.A.,with honors in Burmese Language &
Linguistics ., Diploma in English ]

Levels: Basic, Intermediate & Advanced

* Private lessons & group lessons
* Flexible scheduling
* Comfortable learning place
* Listening Burmese through songs
* Free Burmese movie showings followed by
discussion with Burmese
* Other Burmese cultural & sophisticated
programs

• No. 7,Ground Floor,
• Thu-kha-main Street [ at the back of Myaynigone City Mart]
• Myaynigone, San Chaung, Yangon
Mobile: 09- 500 6431 email: nyalinphyu@gmail.com