ချူလာလွန်ကွန်တက္ကသိုလ်က ရှမ်းပြည်ပညာရပ်ဆိုင်ရာဆွေးနွေးပွဲ

ဒီတစ်ခေါက် အလုပ်ကိစ္စတစ်ခုနဲ့ ဘန်ကောက်ကိုသွားခဲ့ရင်းက ချူလာလွန်ကွန် တက္ကသိုလ်မှာ
ကျင်းပတဲ့ ရှမ်းပြည်ပညာရပ်ဆိုင်ရာ ဆွေးနွေးပွဲရက်နဲ့တိုက်ဆိုင်နေလို့ အဲဒီကိုတက်ရောက်ဖြစ်
ခဲ့ပါတယ်။

ကိုယ့်ပြည်တွင်းမှာ ရှမ်းတိုင်းရင်းသားလူမျိုးတွေရဲ့ ဘာသာစကား၊ ရိုးရာဓလေ့တွေကို အရင်
ကတည်းက စိတ်ဝင်တစားရှိပြီးသားဆိုတော့ ဒီဆွေးနွေးပွဲမှာ စာတမ်းသွင်းချင်ပေမယ့် ဒီတစ်ခါ
တော့ တက်ရောက်သူနေနဲ့သာ ရောက်ဖြစ်ခဲ့ရတယ်။

ဘာပဲပြောပြော ဘန်ကောက်ကိုရောက်ရင် အထူးသဖြင့် စာရေးသူတို့လို အမျိုးသမီးတွေအ
တွက် မသွားမဖြစ်သွားကြတဲ့နေရာတွေက Shopping Mall တွေမှာ ဈေးဝယ်ထွက်ကြတာက
များတယ်လေ။

အခု အဲဒီလိုနေရာတွေကို လုံးဝမရောက်ခဲ့ဘဲ ကိုယ့်အတွက်ရော ကိုယ့်တိုင်းရင်းသား ဘာသာ
စကားတွေအတွက်ပါ အကျိုးရှိစေမယ့် ဒီလိုကွန်ဖရင့်ကိုတက်ရောက်ခဲ့ရတော့ ရောက်ရကျိုးပို
နပ်တယ်လို့ ဆိုနိုင်သလို ပိုက်ဆံအကုန်လည်း သက်သာခဲ့တာပေါ့။

ကွန်ဖရင့်ကျင်းပရက်ကအောက်တိုဘာ ၁၅ နဲ့ ၁၆ နှစ်ရက်ထဲပါ။

အဲဒီနှစ်ရက်အတွင်းကို ရှမ်းဘာသာစကား၊ ရိုးရာဓလေ့ ယဉ်ကျေးမှုတွေနဲ့ဆိုင်တဲ့ စာတမ်းပေါင်း
၄၁စောင် ဖတ်ကြားတင်သွင်းကြတာကိုတွေ့ရပါတယ်။ ဆွေးနွေးပွဲဖြစ်မြောက်ရေးအတွက် အဓိ
က စပွန်ဆာပေးတဲ့ အဖွဲ့ကတော့ ချူလာတက္ကသိုလ်ရဲ့ အာရှပညာရပ်ဆိုင်ရာဌာနကြီးရဲ့
ဥရောပ-အာရှ ရုံးကဖြစ်ပါတယ်။





ဒီဘာသာရပ်ဆိုင်ရာဆွေးနွေးပွဲလေးကို တက်ရောက်လိုက်မှ မြန်မာကိုကမ္ဘာက စိတ်ဝင်တစားဖြစ်စေတဲ့အချက်တွေထဲမှာ ဒီလို စာပေ ယဉ်ကျေးမှု မြင့်မားတဲ့ တိုင်းရင်းသားလူမျိုးတွေရဲ့ ဘာသာစကားနဲ့ ဓလေ့တွေကြောင့်ရောဆိုတာကို ပိုပြီးသတိထားလာမိရပါတယ်။ မြန်မာပြည်မြေပုံထဲမှာ ကြည့်လိုက်ရင် ရှမ်းပြည်နယ်ဟာ ပြည်နယ်တွေထဲမှာ အကြီးဆုံးပြည်နယ်ကြီးတစ်ခုအဖြစ် မြင်တွေ့ရမှာပါ။

ဧရိယာစတုရန်းမိုင်ပေါင်း ၆၁၀၉၀ရှိပြီး မြန်မာအပါအဝင် ရှမ်း၊ ပအို့ဝ်၊ ပလောင်၊ ကချင်၊ အင်းသား၊ ဓနု၊ ဝ၊ လားဟူ၊ မူဆေး၊ ကော်၊ တောင်ရိုး၊ မိုင်းသာ(ရှမ်းတရုတ်)၊ ပဒေါင်(ကယမ်း)၊ ယင်း၊ ခံ(ဂုံ)၊ လိ၊ လမ်း၊ ကယား၊ စန်ထို၊ လီရှော၊ ယင်းကြား၊ ယင်းနက်၊ ကိုးကန့်၊ မြောင်ဇီ၊ ထိုင်းနေ(ရှမ်းတရုတ်)၊ ယွန်း နှင့် ယွန်းအနွယ်ဝင်များဆိုပြီး အဓိကမှီတင်းနေထိုင်ကြပါတယ်။

ဒါတွေအပြင် တခြားတိုင်းရင်း သားလူမျိုးတွေကိုလည်း တွေ့ရှိနိုင်ပါသေးတယ်။ ပြည်နယ်အနေနဲ့လည်း အကြီးဆုံးပြည်နယ်ကြီးတစ်ခု၊ လူမျိုးနွယ်တွေလည်းစုံလင် တော့ ဘာသာစကားနဲ့ယဉ်ကျေးမှုအတွက် လေ့လာလို့မကုန်နိုင်လောက်အောင် စိတ်ဝင်စားစရာတွေနဲ့ ပြည့်နှက်နေတဲ့ မြန်မာပြည်ရဲ့ တန်ဖိုးထားစရာ ဒေသလေးတစ်ခုပေါ့။

ဒါကြောင့် အခုလို နိုင်ငံတကာအဆင့်မှီ ပညာရပ်ဆိုင်ရာဆွေးနွေးပွဲကြီးအဖြစ် ချူလာလွန်ကွန်တက္ကသိုလ်မှာ ကျင်းပတာတွေ့ရလို့ ကိုယ့်သွေးချင်း တိုင်းရင်းသားတွေအတွက် ပီတိစိတ် နဲ့ ဂုဏ်ယူစိတ် နှစ်မျိုးကို တစ်ပြိုင်တည်းခံစားခဲ့ရပါတယ်။



တက်ဖူးသမျှ ပညာရပ်ဆိုင်ရာဆွေးနွေးပွဲတွေထဲမှာတော့ စာတမ်းအစောင်ရေအနည်းဆုံး ကွန်းဖရင့်လေးတစ်ခုလို့ ဆိုရမှာပါ။ ကျင်းပရက်နှစ်ရက်အတွင်းကို ၄၁စောင်သာ တင်သွင်းဖတ်ကြားနိုင်ခဲ့ကြပါတယ်။ ဒါပေမယ့် ရှမ်းတိုင်းရင်းသားတွေရဲ့ ဘာသာစကား ယဉ်ကျေးမှု နဲ့ စာပေဆိုင်ရာတွေကို အတော်ဒေါင့်စေ့အောင် တင်ပြသွားနိုင်တာကို တွေ့ခဲ့ရပါတယ်။

ချူလာတက္ကသိုလ်ဝင်းကြီးထဲကို ဝင်လိုက်ပြီး ကွန်းဖရင့်ခန်းမကြီးကို မရောက်ခင်ကပဲ ရှမ်းရိုးရားအဝတ်အစားတွေ ရှမ်းပြည်နယ်ကထွက်တဲ့ ရိုးရာအသုံးအဆောင်ပစ္စည်း တွေကို ခင်းကျင်းပြသထားတဲ့ စားပွဲရှည်လေးတွေက ကြိုဆိုလို့နေတယ်လေ။ အစီအစဉ်စာအုပ်အရ အခမ်းအနားစတင်ကျင်းပချိန်က အောက်တိုဘာလ ၁၅ရက် မနက်ရှစ်နာရီခွဲကတည်းကပါ။

ဒါပေမယ့် စာရေးသူတို့ရောက်သွားချိန်က ဆယ်နာရီထိုးခါနီး ကော်ဖီသောက် နားတဲ့အချိန်ပေါ့။ စာတန်းအမျိုးအစားတွေကို Panel ဆယ်ခုခွဲပြီး စနစ်တကျကျင်းပပါတယ်။ ရှမ်းဘာသာစကားနဲ့ စာပေဆိုင်ရာကဏ္ဍ၊ ရှမ်းလူမျိုးတွေရဲ့ ဓလေ့ နဲ့ ရိုးရာယုံကြည်ကိုးကွယ်မှုဆိုင်ရာကဏ္ဍ၊ ရှမ်းအက္ခရာစာအရေးအသားပိုင်းဆိုင်ရာကဏ္ဍ၊ ရှမ်းလူမျိုးတွေရဲ့ အနုသုခုမလက်ရာ၊ ဒဏ္ဍာရီပုံပြင် နှင့် ဗုဒ္ဓဘာသာယုံကြည်ကိုးကွယ်မှုဆိုင်ရာကဏ္ဍ၊ ရှမ်းရိုးရာကျေးလက်တေးဂီတဆိုင်ရာကဏ္ဍတွေ အပြင် ထိုင်းနိုင်ငံရောက် ရှမ်းတိုင်းရင်းသားအဖွဲ့အစည်းများရဲ့ ဘဝနေထိုင်မှုအနေအထားကဏ္ဍဆိုပြီး ရှုထောင့်စုံကို ထင်ဟပ်ပြထားတဲ့ သုတေသနစာတမ်းတွေအဖြစ် စိတ်ဝင်စားဖွယ်တင်ပြကြပါတယ်။





နေ့လည်ထမင်းစားနားတော့လည်း တက်ရောက်လာကြတဲ့ သူတွေကို ရှမ်းထမင်းဟင်း အချိုပွဲတွေနဲ့တည်ခင်းဧည့်ခံပါတယ်။ မဟာ ချူလာလွန်ကွန်ခန်းမကြီးရဲ့ အပြင်ဖက်မှာတော့ ရှမ်းရိုးရာအစားအသောက်၊ ရိုးရာတိုင်းရင်းဆေးတွေ၊ ဝတ်စုံနဲ့အသုံးအဆောင်တွေ၊ ရှမ်းအက္ခရာ စာနဲ့ ရေးသားထားတဲ့ အင်းဝခေတ်လောက်က ပေ ပုရပိုက်မူတွေသာမက ဒီဖက်ခေတ် ရှမ်းလူမျိုးတွေထဲက အနုပညာနယ်မှာ အောင်မြင်ကျော်ကြားခဲ့သူတွေရဲ့ သီချင်းခွေစာအုပ်၊ ကိုယ်ရေးမှတ်တမ်း စတာတွေကိုပါ ခင်းကျင်းပြသ ထားနိုင်တာကိုလည်း တွေ့ခဲ့ရပါတယ်။

အဆိုတော် စိုင်းထီးဆိုင်၊ စိုင်းဆိုင်မောဝ်တို့ရဲ့ သီချင်းပေါင်းချုပ် စီဒီ နဲ့ စာအုပ်တွေ၊ တေးရေးဆရာ စိုင်းခမ်းလိတ်ရေးသမျှ တေးရေးစာအုပ်တွေ၊ တခြားရှမ်းလူမျိုးတွေ သီဆိုထားကြတဲ့ သီချင်းခွေတွေကိုလည်း ပြသထားပါတယ်။

ရှမ်းပြည်နယ်ရွာလေးတွေက လွမ်းမောဖွယ်ရှုမျှော်ခင်းပန်းချီကားတွေ ရှမ်းရိုးရာအိမ်လေးတွေကို နှီးချောဖျာ ကောက်ရိုးလေးတွေနဲ့ ပြုလုပ်ပုံဖော်ဆောက်လုပ်ထားတဲ့ ချစ်စရာရိုးရာအိမ်လေးတွေကိုလည်း သီးသန့်ခင်းကျင်းပြသထားတာက ဒီဆွေးနွေးပွဲလေးကို ပိုပြီးပြည့်စုံသွားစေတယ်လို့ ထင်ပါတယ်။ စာရေးသူကတော့ ဖတ်ကြားတင်သွင်းကြတဲ့ စာတမ်းတွေထက် ခင်းကျင်းပြသထားမှုအပိုင်းနဲ့ ဖျော်ဖြေရေးအပိုင်းကို ပိုကြိုက်မိတယ်။

ရှမ်းမလေးတွေရဲ့ ရှမ်းရိုးရာအကအလှတွေ ရှမ်းအမျိုးသားကြီး တွေရဲ့ ဗုံရှည်တီးပြီး ရှမ်းအကနဲ့ ဖျော်ဖြေပေးတာတွေ ဓားသိုင်းအကတွေကို တစ်ခုပြီးတစ်ခု ဖျော်ဖြေပေးတာကိုကြည့်နေရင်း အင်းလေးဖောင်တော်ဦးဘုရားပွဲတို့ တောင်ကြီးတန်ဆောင်တိုင်မီးပုံးပျံပွဲတွေထဲကို ရောက်သွားသလိုခံစားခဲ့ရတာပေါ့။

ဒါတွေအပြီး ကော်ဖီသောက်နားချိန်ကျမှ ဘန်ကောက်ကိုရောက်နေပါလားလို့ သတိပြန်ဝင်လာတော့မှ ကြောင်တောင်တောင်ကြီးဖြစ်သွားရတယ်လေ။

မြန်မာပြည်မှာဆိုရင်တော့ ရှမ်းဘာသာရပ်ကို စစ်ကိုင်း-မုံရွာကားလမ်းပေါ် ကန့်တလူဘုရားနားလေးက ရွာသစ်ကြီး တိုင်းရင်းသား ဘာသာစကား ဖွံ့ဖြိုးရေးတက္ကသိုလ်မှာ သင်စာအဖြစ် ပြဌာန်းသင်ကြားပေးနေတာကို လေ့လာကြားသိဖူးပါတယ်။



ကိုယ့်ပြည်တွင်းမှာလည်း အခုလိုစာကြီးပေကြီးရှိပြီး ယဉ်ကျေးမှုကြီးမားတဲ့ တိုင်းရင်းသားဘာသာစကားနဲ့ စာပေပညာရပ်ဆိုင်ရာ ဆွေးနွေးပွဲတွေကို အိမ်ရှင်အဖြစ် ကျင်းပပေးနိုင်ခဲ့ရင် အခုကွန်းဖရင့်ထက်ကို အချက်အလက်စုံစုံလင်လင် ပိုတွေ့နိုင်မယ်လို့ထင်ပါတယ်။

သက်ဆိုင်ရာ တိုင်းရင်းသားတွေလည်း လာရောကတွေ့ဆုံကြရင်း စာပေ ယဉ်ကျေးမှုချင်းလည်း ပိုပြီးဖလှယ်နိုင်ကြမှာပါ။ ဒါတွေကို စိတ်ဝင်တစားရှိတဲ့ ကမ္ဘာအရပ်ရပ်က ပညာရှင်တွေအတွက်လည်း အကျိုးရှိနိုင်တာပေါ့။

ဒီ ပထမအကြိမ် ရှမ်းပြည်ပညာရပ်ဆိုင်ရာ ဆွေးနွေးပွဲလေးဟာ ရက်နည်းနည်းနဲ့ စာတမ်းအရေအတွက်နည်းပေမယ့် လုပ်သလောက် အကျိုးများစေတဲ့ပွဲလေးတစ်ခုအဖြစ် ကောက်ချက်ချရမှာပါ။ ကမ္ဘာအရပ်ရပ်မှာရှိနေတဲ့ ရှမ်းအသိပညာရှင်တွေ အတတ်ပညာရှင်တွေ လာရောက်ပေါင်းစုံတင်ပြကြတဲ့ ပွဲလေးဖြစ်လို့ ဒီအခမ်းအနားလေးဖြစ်မြောက်အောင် ကြိုးစားဆောင်ရွက်ခဲ့ကြတဲ့ သွေးချင်ရှမ်း တိုင်ရင်းသားတွေကိုယ်စား ပီတိပွားခဲ့ပြီး ဂုဏ်ယူဝမ်းမြောက်ခဲ့ရပါတယ်။ ရှမ်းတိုင်းရင်းသားတွေသာမက ကိုယ့်ပြည်တွင်းက စာပေယဉ်ကျေးမှုအခိုင်အမာရှိနေတဲ့ တခြားတိုင်းရင်းသားတွေရဲ့ ပညာရပ်ဆိုင်ရာဆွေးနွေးပွဲလေးတွေကိုလည်း အခုလိုကျင်းပပေး နိုင်ရင် ကောင်းမှာပဲလို့ အတောမသတ်နိုင်တဲ့လောဘစိတ်လေးနဲ့ ဆန္ဒဖြစ်မိပြန်ပါတယ်။

ဖြူဖြူဝင်း(မြန်မာစာ)

ကိုးကား-International Conference, Performing Arts, and Exhibition on "Shan Studies".
15-17 October 2009.
Chulalongkorn University, Bangkok,Thailand.